روس ءَ کیف ءِ سر ءَ برزی اُرش، یوکرین ءَ 20 ڈرونانی دور دیگ ءِ ٹاہ داتگ

روس ءَ گوستگیں شپ ءَ یوکرین ءِ بنجاھی شھر ءِ سر ءَ اُرش کتگ، کساس کساس کئیف ءَ بیست ڈرونانی جنگ ءُ دور دیگ ءِ ٹاہ داتگ اَنت-

ھال سرکنوکیں ادارہ روئٹرز ءِ رد ءَ یکشمبے ءَ کیئف ءِ میئر ویٹالی کلٹشکو ءَ گوشتگ کہ تباہ بوتگیں ڈرونانی چنڈ کہ پٹرول پمپ ءِ سر ءَ کپگ ءَ یک چل ءُ یک سالیگیں مردمے بیران بیتگ – ھمے داب ءَ روس ءِ اُرش ءَ کیئف ءَ کم چہ کم سَے مردم زدگ بیتگ اَنت-

کیئف ءِ میئر ویٹالی کلٹشکو ءَ چاگردی ترامجاہ ٹیلی گرام ءَ نبشتگ کتگ کہ برزی پھرزی لشکر ءَ کیئف ءِ نیمگ ءَ آیوکیں بیست ءَ گیش ڈرون تباہ کتگ اَنت – بلے گیش ڈرون جنگ ءِ گمان ھست اِنت چرے ھاتر ءَ شھری لوگانی توک ءَ نادینگ بیتگ اَنت-

روئٹرز ءِ رد ءَ گوستگیں شپ ءَ اُرشانی وھد ءَ ترس ءِ ھارن چالو کمگ بیتگ ءُ شھری وتی لوگانی تہ ءَ شتگ اَنت ءُ پد ءَ وتی لوگانی بالکناں در اتکگ ءُ برزی پھزدارانی ھک ءَ اوگام اش جتگ –

میئر ویٹالی کلٹشکو ءَ گوشتگ کہ ڈرون ءِ چُنڈانی کپگ ءِ سبب ءَ ھپت تبک ءِ ماڑی ءَ آس کپتگ بیتگ، اے ماڑی کیف ءِ روکپتی دمگ ءَ اِنت کہ اود ءَ ریل ءُ برزی سپر ءِ بنجل زانگ بیت اِنت-