مزن ھور ءَ جھمنندیں بلوچانی کلب “بلوچ کلب” ءِ کیبنٹ ءِ گوں جھلی کمیٹیاں گند ءُ نندے بوتگ –
گوستگیں روچ ءَ بزاں بیست ءُ ھپت مئی ءِ بیگاه ءِ ادار پنچ ءُ نیم ءَ بلوچ کلب ءِ کارمستر عظیم جان ءُ کمک کارمستر عبدالوھاب بلوچ ءِ سروکی ءَ بلوچ کلب ءِ کیبنٹ ءِ گوں جھلی کمیٹیاں یک گِند ءُ نندے برجم دارگ بوتگ –
اے گند ءُ نند ءَ جھلی کمیٹیاں وتی آؤکیں ھمک سالی رپورٹ ءُ پروگرام دیما آؤرت انت ءُ کیبنٹ ءَ بلوچ کلب ءِ راہ ءُ رھبند جھلی کمیٹیانی دیما ایر کت انت –
بلوچ کلب ءِ کیبنٹ ءُ جھلی کمیٹیانی میان ءَ گُڈ سر ءَ ھمے شور ءُ سلاہ کنگ بوت کہ بلوچ کلب ءِ درستیں پروگرام ءُ کار گوں دلجمی ءُ پہ وھد بلوچ کلب ءِ راہ ءُ رھبندانی رِد ء کنگ بہ بنت ۔