نیمروز: گوستگیں روچ ءَ سیمسری جنگ ءَ ایرانی لشکر ءِ دو کارندہ کُشگ ءُ زدگ بیتگ اَنت

گوستگیں روچ ءَ ھردوکیں نیمگاں جاور ناگیگی ءِ دیمپان بیتگ اَنت کہ ھردوکیں نیمگاں تیرگواری یکشل ءَ برجاہ بیتگ –

سر بیتگیں ھالانی رد ءَ اوگانستان ءِ اُستان نیمروز ءُ روکپتی بلوچستان ءِ ھواریں سیمسری دمگاں ایرانی سیمسری پھزدار ءُ اوگان ءِ تالبان لشکر ءِ میان ءَ ناگتی جنگ ءُ چوپ بندات بیتگ-

تامر بندانی توک ءَ گندگ بیت اِنت کہ اود ءَ تالبان ءُ ایرانی لشکر ءِ میان ءَ جنگ ءُ تیرگواری بوگ ءَ اِنت –

تامر بندانی توک ءَ گندگ بیت اِنت کہ ھردوکیں نیمگاں مزنیں سلاہ کامردی بیتگ اَنت-

اھوالانی رد ءَ گوستگیں روچ ءِ جنگ ءَ ایرانی دو پھزدار جنگ ءُ دو زدگ بیتگ اَنت – بلے ایرانی سرکاری بنشون ءَ وتی یک ہھزدارے ءِ نام پدر کتگ –

جنگ بیتگیں پھزدار ءِ نام خالد پنچشیری ءِ نام ءَ زانگ بیتگ –

دومی نیمگ ءَ اوگان وزارت عبدالنافع تکور ءَ گوشتگ کہ ایرانی سیمسری پھزداراں تالبان ءِ سیمسری پھزدارانی سر ءَ تیرگواری کتگ ءُ چریشی ءِ پسھی ءَ پسو داتگ-

ھمے وڑ گوستگیں شپ ءَ زابل ءَ ھواریں سیمسر ءَ ھم ایرانی لشکر ءُ اوگان تالبان لشکر ءِ میان ءَ جنگ ءُ چوپ بیتگ اَنت-