شال: وی بی ایم پی ءِ زھرشانی ءَ 5057روچ سرجم بوتگ انت

بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی بنجل ءَ مروچی پنچ ھزار ءُ پنجاہ ءُ ھپت روچ سرجم بوتگ انت، چہ پنجگور ءَ نیشنل پرسن آرگنائزیشن مکران ڈویژن ءِ کواڈینیٹر قاضی رضا علی، راشد علی، ڈاکٹر انعام اتکگ ءُ بیگواھیں مردمانی کھول ءِ گوم ءَ دلپدردی درشان اِتگ –

ھمے وھد ءَ گل ءِ کمک سرکماش ماما قدیر بلوچ ءَ گوشتگ کہ دژمن ءِ زوراکیانی درچ یکشل ءَ برجاہ انت، مئی ءِ ماہ ءَ سرجمیں بلوچستان پوج ءِ دست ءَ دیگ بوتگ تانکہ پہ ترس ءُ بیھار ءُ زوراکیاں گوں بلوچ راج ایرموش کنگ بہ بیت –

آئی ءَ گوشتگ کہ بلوچستان ءَ بلوچانی چُکچینی، بلوچ زورانسری اوار جنگ ءُ آھانی ژانگولیں جون چگل دیگ بوتگ انت تانکہ جھد کنوکیں بلوچ دارگ بہ بنت بلے بوت کنت کہ آ اے گپ ءَ شری ءَ سرپد نہ انت ءُ نہ زان انت کہ زرمبشت نوں سرجمیں لس بلوچانی گداناں سربوتگ کہ آئی ءِ آیرموش کنگ استان ءِ وس ءَ در انت –

ماما ءَ گوشتگ کہ بلوچستان ءَ پوج ءِ زوراکی ءُ لشکر کشی برجاہ انت بازیں گِسے ماندارگ بوتگ-