پولکار، نبشتہ کار، راجدپتر زانت گل حسن کلمتی بیران بیتگ

نامی ئیں پٹ ءُ پولکار، نبشتہ کار ءُ راجدپتر زانت گل حسن کلمتی ءَ کوڑھیں امبروز یل داتگ – آئی ءَ سندھی، اردو، انگریزی ءَ بازین کتاب نبشتہ کتگ اَنت-

گل حسن کلمتی ءِ نماز جنازہ مروچی ھاجی عرضی گوٹھ گڈاپ ملیر ءَ ساھت یازدہ ءَ وانگ بیتگ – گل حسن کلمتی جگرانی کینسر ءِ آماچ بیتگ-

سال دوھزار ءُ بیست ءُ دو ءَ پد آئی ءِ جاور یکدم ناگیگی ءِ دیمپان بیتگ اَنت ءُ آ تھت ءِ باھوٹ بیتگ، کراچی ءَ یک نادراہ جاھے ءَ آئی ءِ جاندراھی بیگ ءَ بیتگ-

گل حسن کلمتی کے بیت؟

گل حسن کلمتی ءِ پنج جولائی نوزدہ سد ءُ پنجاہ ءُ ھپت ءَ کراچی ءِ ھند گڈاپ ءِ یک کسانوکیں میتگے ءَ ودی بیتگ، گل حسن کلمتی ءِ پت ءِ نام محمد خان بیتگ کہ آ یک مزدورے بیتگ-

گل حسن کلمتی ءَ وتی ٹک ءَ آروس کتگ بیتگ چریشانی توک ءَ آئی ءِ یک جنکے کہ آئی ءَ ایم اے سوشیالوجی ڈگری گپتگ-

گل حسن کلمتی نودربری ءِ وھد ءَ ادبی دنیا ءَ گام جنان بیتگ- آئی ءَ نوزدہ سد ءُ ھپتاد ءُ چار ءَ ایس ایم آرٹ کالج کراچی ءَ داکلہ زرتگ ےُ کالج ءَ شنگ بیتگیں ادبی میگزین ءَ ھم سندھی ادب ءَ نبشتگے کتگ ءُ اے کالج ءَ سندھی ادب ءِ شاھوکارے کتگ-

پد ءَ آئی ءَ چہ کراچی ءَ یک سندھی روتاکے ءَ نبشتگ بندات کتگ – گل حسن کلمتی ءَ نوزدہ سد ءُ ھپتاد ءُ نُھ ءَ کراچی یونیورسٹی ءَ اھوالکاری ءِ داکلہ زرتگ – اود ءَ آئی ءَ نوزدہ سد ءُ ھشتاد ءُ سَے ءَ ماسٹر ءِ ڈگری سرجم کتگ – آ وھد ءَ کراچی جامعہ ءِ بس دو سندھی نودربر بیتگ اَنت ایشانی توک ءَ یکے آ وت بیتگ ءُ دومی ھدامرزی ئیں جمال ابڑو ءِ زھگ اظھر ابڑو کہ بدر ابڑو ءِ برات اِنت –

گل حسن کلمتی ءَ نیشنل اسٹوڈنٹ فیڈریشن (nsf) ءِ زور ءَ نودربر سیاستی بندپدی ءَ وتی گام ایر کتگ انت، بلے نوزدہ سد ءُ ھشتاد ءُ سَے ءَ آئی ءَ بلوچ اسٹوڈنٹ آرگنازیشین بی ایس او ءَ بھر زرتگ چریشی ءَ پد آئی ءَ گون ءَ بی ایس او ءِ گون ءَ بگیری ودی بیتگ-

پد ءَ گل حسن ءُ رسوپ بخش پلیجو عوامی تھریک ءِ پہ کمکی کار کتگ، گل حسن کلمتی ءُ نوزدہ ءُ ھشتاد ءُ چار ءَ سندھ مھاز بھر زرتگ چریشی ءَ پد چیئرمین عبدالواحد آریسر بیتگ چریشی ءَ پد آئی ءَ نوزدہ سد ءُ نود ءَ اے گل یلو کتگ ءُ پد ءَ آ سندھ ترقی پسبد پاٹء ایس ٹی پی ءَ ھوار بیتگ-

گل حسن ءَ کراچی ءِ کوچگی دمگاں سندگ ترقی پسند پاٹی مھکم کتگ ایشی ءِ توک ءَ آئی ءِ زامات رحیم بلوچ گون بیتگ-

گل حسن کلمتی ءَ ایس ٹی پی ءَ لھتے سالانی دیگ ءَ پد سیاست ھروھدی ءَ ابیت کتگ یل داتگ-

پد ءَ گل حسن ءَ چہ کراچی ءَ رورتاک عوامی آواز ءِ تاک ءَ نبشتگ کنگ بندات کتگ، کراچی ءِ کوچگی ھندی راجدپتر ءُ آئی ءِ الم، راجدپتری جاہ، ٹک ءُ دمگی جغرافیہ ءَ عوامی آواز ءِ پلیٹ پارم ءَ وتی مھلوک ءَ جوان جوانیں چیزاں سر کنان بیتگ چریشی ءَ پد سندھ مھکمہ ریونیو ءَ آئی ءِ مُچ کتگیں سرپدی وتی ریکارڈ ءَ جاہ داتگ اَنت-