روکپتی بلوچستان ءِ دمگ پنوج ءَ ایرانی چیریں ادارھاں دو ورنا آوار جنگ ءَ پد بیگواہ کتگ اَنت-
آوار جنگ بیتگیں مردمانی پجار عبدالستار رئیسی ءُ نمیا جوادی فر ء مھمد جھمنند پنوج ءِ ناماں زانگ بیتگ اَنت-
ھالانی رد ءَ گوشگ بیتگ کہ ھردوکیں ورناہ گوستگیں یکشمبے ءَ چہ جند ءِ لوگ ءَ آوار جنگ بیتگ ءُ ناشناسیں جاھاں برگ بیتگ اَنت-
آوار جنگ بیتگیں مردمانی بارو ءَ دگہ گپ دیم ءَ نیتکگ اَنگ نانکہ آیانی آوار جنگ ءِ درگت ءَ چیریں ادارھاں دگہ گپ پدر کتگ اَنت-
زانگ بہ بیت روکپتی بلوچستان ءَ مردمانی آوار جنگ ءُ بیگواہ کنگ ءِ درچ یکشل ءَ برجاہ اَنت کہ اے درچ ھما وھد ءَ گیش بندات بیتگ گوستگیں سال ءِ شانزدہ ستمبر ءَ ماں چھبار ءَ یک کسان سالیں جنکے ءِ گون ءَ ایرانی پولیس ءِ آپیسر ءَ جنسی زوراکی کتگ بیتگ-