ھک دے تھریک ءِ سروک مولانا ھدایت الرحمان بلوچ ءَ سیشن آمیدگس گوادر ءَ پیشی ءِ وھد ءَ رسانکدر ءَ تران کنان ءَ گْوشتگ کہ گوادر ءَ ٹرالرز ، نشہ باپاری ، زر گروک ءُ دُز ڈنگ انچش یل داتگ اَنت کہ آ دل تب ءَ لُٹ پُل بکن اَنت-
آئی ءَ گْوشتگ کہ جمھوری درشم ءَ چہ وتی ھک ءِ لوٹوکاں بندیگ کن اَنت وھدے دُز ڈنگ دمک دمک ءَ سر ءِ بازار ءَ نشہ بھاکنوک یل داتگ اَنت-
آئی ءَ دیمتر ءَ گْوشتگ کہ من آں بندیگجاہ کنگ ءَ ٹرالرز، نشہ باپاری کنوک ءُ دُز ڈنگ آزاتی ءِ گوم ءَ یل داتگ اَنت تاں دل تب ءَ لُٹ پُل بکن اَنت، گوادر ءَ نشہ سر بازار بھا بوگ ءَ اِنت، ٹرالرز رزی جاندارانی چُکچینی ءَ کنگ ءُ زر ءَ تباہ کنگ اَنت ءُ جُست کنوک ھچ کس نیست وھدے کہ گوادر دُز ءُ ڈُنگانی رھم ءُ کرم ءَ یل داتگ، گوادر ءَ یک شپے ءَ نُھ دکان پُلّگ بیتگ اَنت بلے پولیس ءُ ھکومت ھرگوش ءِ واب ءَ اِنت ما وھدے ھک ءِ گپ ءَ کن ایں گُڑا مئے سر ءَ بے کساس بے بُنیں دروگیں کیس جوڑ کن اَنت ءُ بندیگ کن اَنت ءُ گوادر ءَ ٹرالرز، نشہ باپاری کنوک ءُ دُز ڈُنگ آزاتی ءِ گوم ءَ یل داتگ اَنت دانکہ دل تب ءَ لُٹ پُل بکن اَنت-
آئی ءَ گْوشتگ کہ اد ءِ ادارہ ءُ آمیدگس ءُ انساپ سر ءَ یک سوالیہ نشانے کہ جمھوری دروشم ءَ چہ وتی ھکانی لوٹوک بندیگ کنگ بیتگ وھدے دُز ڈُنگ دمک دمک ءَ سر بازار نشہ بھاکنوک بے مھار ءَ یل داتگ اَنت-
آئی ءَ گوشتگ کہ ھما روچ ءَ یل کنگ باں ھمے روچ ءَ ٹرالر ءُ نشہ باپاریانی بگیری ءَ زھرشانی کن ایں-