آئی پی ایل 2023: گجرات ءَ سِی ءُ چار رناں گوازی کٹ اِتگ، پلے آف ءَ سربوتگ

انڈین پریمئیر لیگ ءِ شانزدھمی سیزن ءَ شست ءُ دومی گوازی گجرات ٹائیٹنز ءُ سن رائز حیدرآباد ءِ میان ءَ کنگ بوتگ کہ گجرات ءَ سِی ءُ چار رناں گوازی کٹ اِتگ ءُ پلے آف ءَ سربوکیں اولی ٹیم انت –

ٹاس ءِ نہ کٹگ ءَ پد اولسر ءَ بیٹنگ کنان ءَ شبھمن گل ءَ گجرات ءِ نیمگ ءَ سنچری کُتگ ءَ ٹیم ءَ نُھ وکٹانی تاوان ءَ یک سد ءُ ھشتاد ءُ ھشت رن جوڈ کتگ ، پسوی ءَ حیدرآباد ءِ ٹیم ءَ نُھ وکٹانی تاوان ءَ بس یکسد ءُ پنجاہ ءُ پنجاہ ءُ چار رن جوڈ کت کتگ –

گجرات ءِ نیمگ ءَ دیگ بوتگیں یکسد ءُ ھشتاد ءُ نُھ ٹارگٹ ءِ پروشگ ءَ حیدر آباد ٹیم ءِ بندات جوان نہ بوتگ کہ شست رنانی اسکور ءَ ٹیم ءِ ھپت لیبی آؤٹ بوتگ انت – بندات چہ انمول پریت ءِ وکٹ ءِ کپگ ءَ گوں بوتگ وھدیکہ آئی ءَ پنچ رن جوڈ کتگ ءُ محمد سمیع ءَ آؤٹ کتگ – پدا رند ءَ ابھیشک شرما ءُ راہل ءِ وکٹ کپتگ انت چمداں چہ پد ماں پد وکٹ کپان بوتگ انت – ہینری جوڈ بوتگ کہ آئی ءَ یک ءُ تھنا رن جوڈ کناں کتگ بلے گوازی ءِ کٹارینگ آئی ءِ وس ءَ نہ بوتگ –

گجرات ءِ نیمگ ءَ شبھمن گل ءَ اے آئی پی ایل ءِ تہ ءَ اولی سنچری کتگ کہ آئی ءَ پنجاہ ءُ ھشت بالاں سینزدہ چوکا ءُ یک چکائے جتگ ءُ سنچری سرجم کتگ –

حیدر آباد ءِ ٹیم شبھمن گل ءِ سنچری کنگ ءَ پد بے وس بوتگ بلے بھونیشور کمار ءَ گجرات ٹائیٹنز مزنیں اسکور جوڈ کنگ ءَ نہ اشتگ اے بالر ءَ اوورے ءَ سَے وکٹ گپتگ ءُ انڈین ہریمئیر لیگ ءِ تہ ءَ دو رند ءَ پنچ وکٹ گپتگ انت – آئی ءَ اے پنچیں وکٹ چار اوورانی تہ ءَ سِی رن داتگ ءُ گپتگ انت –