روکپتی بلوچستان ءَ پاھو دیگ ءِ یک لڑے بندات بیتگ کہ اے سال ءَ بازیں کساسے ءَ مردم نشہ باپاری ءَ ھوار دگہ کوش ءُ سرکار ءِ سر ءَ بگیرداری ءِ پُشدر ءَ پاھو دیگ بیتگ اَنت کہ اے درچ داں انگت ءَ یکشلی ءَ برجاہ اِنت-
روکپتی بلوچستان ءِ تیابدپی ھند گمبدان”بندر عباس ” ءَ بندیگیں دو بلوچ پاھو دیگ بیتگ اَنت-
گیشیں اھوالانی رد ءَ گوستگیں روچ ءَ دو کس پاھو دیگ بیتگ اَنت کہ آیانی پجار سی ءُ ھپت سالیگیں عبدالرحمان موسیٰ زئی ء خدارھم جھمنند زاھدان ءُ سی ءُ چار سالیگیں جلال ریکی براھوئی ء مھمد حسن جھمنند میرجاوہ ءِ ناماں زانگ بیتگ اَنت-
اے ھردوکیں مردم ماں سال دوھزار ءُ ھژدہ ءَ بندر عباس ءَ نشہ باپاری ءِ پژدر ءَ ایرانی چیریں ادارھاں دزگیر کتگ بیتگ اَنت ءُ چریشی ءَ پد آ زندانی کنگ ءُ گوستگیں روچ ءَ ما بندر عباس ءِ زندان ءَ پاھو ءِ دار ءَ درنجگ بیتگ اَنت-