بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گوشتگ کہ بی ایل ایف ءِ سرمچاراں کیچ ءِ دمگ ناصر آباد ءَ پاکستانی پوج ءِ چوکی ءِ سر ءَ اُرش کتگ دو کارندہ کُشتگ انت-
آئی ءَ گْوشتگ کہ سرمچاراں شش مئی شپ ءِ ساھت نُھ ءُ چل ملٹ ءَ کیچ ءِ دمگ ناصر آباد بازار ءَ دُژمنیں پوج ءِ چوکی ءِ سر ءَ راکٹ ءُ وتکار مزنیں سلاھاں اُرش کتگ، چریشی ءَ چہ دو کارندہ مرتگ ءُ دو ٹپی بیتگ اَنت- تُرندیں اُرش ءَ چوکی ءِ نزیک ءَ سولر سسٹم ءُ دگہ ساز ءُ سامان ھم تاوان داتگ اَنت-
جارکش ءَ دیمتر ءَ گْوشتگ کہ اُرش ءَ پد پروش وارتگیں زورگریں پوج ءَ لَس میتگانی سر ءَ تیرگواری کتگ چریشی ءَ چہ یک مردمے ٹپی بیتگ-
آئی ءَ گْوشتگ کہ بلوچستان لبریشن فرنٹ اے اُرش زمہ واری ءَ منّ اِیت- زورگریں بلوچستان ءِ وتواجھی ءَ تاں زورگریں لشکر ءِ سر ءَ اُرش برجاہ بنت-