روکپتی بلوچستان: دگ ءِ وئیل تیرگواری وئیل ءَ دو مردن بیران بیتگ اَنت

سر بیتگیں ھالانی رد ءَ روکپتی بلوچستان ءِ دو جتا جتائیں جاھاں تیرگواری ءُ دگ ءِ وئیل ءَ دو مردم بیران بیتگ اَنت-

گیشیں ھالانی رد ءَ روکپتی بلوچستان ءِ بنجاھی شھر زاھدان ءَ دگ ءِ تیل کشیں مردمے بیران بیتگ-

بیران بیتگیں مردم ءِ پجار زاھدان ءِ جھنندیں عبداللہ براھوئی ء ظاھر ءِ نام ءَ زانگ بیتگ – وئیل میرجاوہ ءَ پیش اتکگ کہ اود ءَ گاڑی وئیل ءِ آماچ بیتگ ءُ ورناہ بیران بیتگ –

ھمے وڑ ءَ سیب سوران ءَ ناشناسیں مردمانی تیرگواری ءَ یک ورنایے بیران بیتگ –

بیران بیتگیں مردم ءِ پجار مراد حبیب آسکانی ناھوتی جھمنند سراوان ءِ نام ءَ زانگ بیتگ –

روکپتی بلوچستان ءَ چوشیں وئیل یکشل ءَ برجاہ اَنت کہ اود ءَ مردم تیرگواری ءُ دگ ءِ وئیل ءِ آماچ بوان اَنت-