بلوچستان ءِ دمگ پنجگور ءَ برجاھیں پوجی بیڑ ءِ تہ ءَ دویں نیمگاں چہ جانی تاوانانی اھوال پیداک اَنت۔
اھوالانی رد ءَ پنجگور ءِ ھند پروم ءَ گوستگیں سئے چار روچاں چہ بیڑ برجاہ اِنت۔ برجاھیں بیڑ ءِ تہ ءَ زمینی پوج ءَ ھوار جنگی بالی پرگ ءُ ڈرون گراب ھم بیر زیرگ ءَ اَنت۔
اھوالانی رد ءَ بیڑ ءِ نیام ءَ لشکری ءُ آجوئی لوٹوکیں سلاہ بندیں گلانی نیام ءَ جنگ ھم بیتگ کہ اِشی تہءَ دویں نیمگاں جانی تاوان ءَ دیمپانی کنگ کپتگ۔
البت بیڑ ءِ درگت ءَ سرکار ءِ لیکہ داں انگت دیما نئیتکگ ءُ نانکہ آجوئی لوٹوکیں سلاہ بندیں گلاں اے ھال راست کتگ۔
ھندی اھوالاں دی بلوچستان پوسٹ ءَ گُشتگ کہ بیڑ ءِ نیام ءَ کوھانی سر ءَ کمانڈوز ھم ایر گیجگ بوتگ اَنت ءُ بیڑءِ وھدءَ ترندیں تیرگواری ءُ بمب تراکانی توار اُش کنگ بوتگ۔