بندر عباس: دگہ دو کس ایرانی آمیدگس ءَ پاھو داتگ اَنت

روکپتی بلوچستان ءَ یکیں ھپتگ ءَ پاھو دیگ بیتگیں مردمانی کچ دَہ ءَ سر بیتگ اَنت پاھو دیگ بیتگیں مردم بنجاھی شھر زاھدان، ایرانشھر، بندر عباس، ایشی ءَ ھوار ھوار اُستان زابل ءُ مشھد ءَ دیگ بیتگ اَنت –

روکپتی بلوچستان ءِ تیابدپی دمگ بندر عباس ءَ ایرانی آمیدگس ءَ نشہ باپاری ءِ بھتام ءَ دو کس پاھو داتگ اَنت-

پاھو دیگ بیتگیں مردمانی پجار موسی موسیٰ گورگیج ء حسین ءُ احدان گورگیج سید خان ھردوک زاھدان ءِ جھمنند گوشگ بوگ ءَ اَنت-

ھالانی رد ءَ موسیٰ ءُ احسان ایرانی سال 1399 ءَ ماں بندر عباس ءَ دادگاہ انقلاب ایران ءَ گپتگ ءُ پاھو ءِ ھکم داتگ اَنت-

ھالانی رد ءَ گوشگ بیتگ کہ اے ھردوکانی گڈی گندوک گوں کھول ءَ گوستگیں روچ ءَ کنگ بیتگ اَنت-

روکپتی بلوچستان ءَ یکیں ھپتگ ءِ توک ءَ دَہ مردم پاھو دیگ بیتگ اَنت کہ ایشانی توک ءَ یک زالبولے ھم ھوار اِنت –

روکپتی بلوچستان ءِ پاھو دیگانی درچ کسانیں ائید ءَ پد یک ترندی ءِ رنگ ءَ گندگ پیش کنگ ءَ اِنت-