بلوچستان ءِ دمگ بولان ءَ پاکستانی پوج ءَ دو مردم زورانسری آوار جنی ءَ پد بیگواہ کُتگ اَنت-
گیشیں ھالانی رِد ءَ بولان ءِ دمگ مچھ نلی ءِ ھند ءَ پیرسالی ئیں کماش حمزہ ء شکاری ءُ جوسل ء خیرو گوستگیں روچاں برجاھیں لشکر کشی ءِ وھد ءَ بیگواہ کنگ بیتگ اَنت کہ انگت بیگواہ اَنت-
کھول ءَ آیانی بیگواھی ءِ درگت ءَ دل پدردی ءِ درشان کتگ ءُ آیانی پہ سلامتی یل کنائینگ ءِ لوٹ کتگ-
زانگ بہ بیت بیگواہ بیتگیں کماش حمزہ شکاری گوستگیں سال جون ءَ ھم بیگواہ کنگ بیتگ کہ لَٹ ءُ کُٹاں پد یل کنگ بیتگ اَت وھدیکہ بولان ءِ لشکر کشی ءِ وھد ءَ آ دومی رند ءَ بیگواہ کنگ بیتگ-