زاھدان: ناشناسانی تیرگواری ءَ پارلیمنٹ ءِ گوستگیں نمائندگ بیران

سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءَ ناشناسیں مردمانی تیرگواری ءَ خامنہ ای ءِ گوستگیں نمائندگ عباس علی سلیمانی بیران بیتگ-

ھالانی رد ءَ ناشناسیں مردماں بابلسر ءَ تیرگواری کنان ءَ عباس علی سلیمانی کُشتگ-

عباس علی سلیمانی زاھدان ءَ پارلیمنٹ ءَ خامنہ ای ءِ یک رھشونے بیتگ کہ آ مروچی تیرگواری کنگ ءُ کُشگ بیتگ-

ھالانی رد ءَ عباس علی بینک ءَ واتر درایگ ءَ بیتگ کہ اود ءَ ناشناسیں مردماں تیرگواری کُتگ ءُ کُشتگ –

اھوالانی رد ءَ عباس علی سلیمانی ءِ سر ءَ بھتام بیتگ کہ آئی ءَ ایرانی سال ھشتاد ءُ ھشت، نود ءُ نود ءُ چار ءُ نودربرانی زھرشانی ءِ دارگ ءَ مزنیں کرد پیلو کتگ اَنت کہ آئی ءَ نودربرانی نرم کنگ ءَ سرکاری واک گیش ترند کنگ ءِ پرمان کتگ اَنت کہ چریشی ءِ سر ءَ آئی ءَ را مھلوک ناوش بیتگ اَنت-

تنی وھدی کوش ءِ سبب زانگ نہ بیتگ ءُ نانکہ کوشکار زانگ بیتگ اَنت-