بلوچ لبریشن آرمی ءِ جارکش جیئند بلوچ ءَ شنگ کُتگیں درشانے تہءَ گُشتگ کہ بی ایل اے ءِ سرمچاراں مروچی سھب ءَ کلات ءِ ھنکین ھربوئی، اسکلکو ءِ بنجاھی شھدگ ءِ نزیکءَ زورگیریں پاکستانی پوجءِ دو کارندہ ھما وھدءَ سلاہ بندیں اُرش ءِ تہءَ نشانگ کُتگ اَنت وھدیکہ آ پیادگ ءَ وتی بنجل ءِ نیمگ ءَ رؤگ ءَ بیتگ اِنت، اُرش ءِ تہءَ یک کارندہ ءِ ھما دمان ءَ مُرتگ وھدیکہ دومی کارندہ باز ٹپی بیتگ۔
آئی ءَ گُشتگ کہ سرمچارانی دگہ یک ٹولی ءَ ھمے پوسٹ ءِ سرءَ گرنیڈ لانچر ءِ بازیں گولہ آس داتگ اَنت کہ چریشی ءَ دژمن ءَ دگہ گیشتر جانی و مالی تاوان ءِ دیمپانی کنگ کپتگ۔
جیئند بلوچ ءَ گُشتگ کہ بلوچ لبریشن لبریشن اے دوھیں اُرشانی ذمہ واری ءَ من اِیت۔ آئی گُڈسرءَ گُشتگ کہ قوضہ گیریں پوج ءِ سرجمی ءَ درکپگ ءَ داں مئے اُرش برجاہ مان اَنت۔