روکپتی بلوچستان ءِ بنجاھی شھر زاھدان ءَ ایرانی چیریں ادارہ “اطلاعات ” دو ورنا آوار جنگ ءَ پد ناشناسیں زنداناں برتگ اَنت-
آوار جنگ بیتگیں مردمانی پجار حامد کھرزہ جھمنند زاھدان ءُ نعیم بیجارزئی ءِ ناماں زانگ بیتگ اَنت –
ھالانی رد ءَ گوشگ بیتگ کہ اے مردم گوستگیں روچ ءَ ما زاھدان ءَ آوار جنگ ءَ پد بیگواہ کنگ بیتگ اَنت-
ھالانی رد ءَ گوشگ بیتگ اے ھردوکیں ورنا آوار جنی ءِ وھد ءَ پیسر یک برے لٹ ءُ کُٹانی نشانگ کنگ بیتگ ءُ پد ءَ آوار جنگ ءُ گون وت برگ بیتگ اَنت-
ھالانی رد ءَ گوشگ بیتگ اے چیریں ادارھاں گوشتگ کہ اے ھردوکیں مردم مھمد ناروئی ءِ آوار جنگ ءِ وھد ءَ ھردوکاں تامر کش اتگ ءُ چریشی ءَ پد ھردوک گندگ بیتگ اَنت-
ھالانی رد ءَ گوشگ بیتگ چیرین ادارھانی نیمگ ءَ یک رھوتی کالے اتکگ ءُ آیاں گوشگ بیتگ کہ شما وتی مردماں لاچار بہ کن ات ءُ اے جرم ءَ وتی سر ءَ بہ کن اَنت-
کھول ءَ ھردوکانی یل کنگ ءِ لوٹ کتگ ءُ انساپ ءِ ھواری ءَ آیانی سلامتی لوٹ اتگ –