وت ءَ مھکم بہ کن ات، دشمن ءَ جنگ ءَ پروش وارتگ – ڈاکٹر اللہ نزر بلوچ

بلوچستان لبریشن فرنٹ ءِ سروک ءُ آجوئی دوستیں رھشوب ڈاکٹر اللہ نزر بلوچ ءَ گوشتگ دشمن ءِ اے وتی لیکہ اِنت کہ آ بلوچ زالبولاں چہ گھگیری ءَ گستا کنت-

اے گپ آئی ءَ چاگردی ترامجاہ ٹوئٹر ءُ کرتگ اَنت-

ڈاکٹر اللہ نزر بلوچ ءَ پاکستانی پوج ءِ دست ءَ زورانسری آوار جنی ءُ پد ءَ دیم ءَ آرگ بیتگیں بلوچ زالبول ماھل ءِ میڈیا بارو ءَ گوشتگ کہ دستگیری ءِ توک ءَ رسانکدرانی پیشدارگ ءُ رسانکدر ءِ کارمرد کنگ ءَ ریاست سما کمتری ءَ پدر کنت-

بلوچ رھشون ءَ گوشتگ ات کہ ریاست اے ھُنر ءُ ھیلھاں کپتگ بوت کنت اے وڑیں چیزانی کنگ ءَ بلوچ زالبولاں چہ گھگیری ءَ گستا کُت بہ کن آں-

آئی ءَ گوشتگ مئے گور ءَ پنچ سد سال ءَ پیش بلوچ زالبولانی راجدپتر ھست اِنت آ ھما کہ مئے دشمن بیتگ اَنت آیانی ءَ بھادری ءَ گوں جنگ اش کتگ ءُ دیم ءَ ھم ھمے رنگ ءَ بیت اِنت ایشی ءَ ھچ شک نیست بلوچانی گیشتری بھر ھروھد ءَ پاکستان ءِ زُلمانی ھلاپ ءَ توار چست کنگ ءَ اَنت-

ڈاکٹر اللہ نزر بلوچ ءَ گوشتگ کہ من وتی راج ءَ اے گپ ءِ سدکی ءَ دے آں مئے دشمن ءَ جنگ ءِ پِڑ ءَ پروش وارتگ آ روچ دور نہ اِنت ما وتی وت واجھی ءَ دوبر گریں –