انگلش پریمیر لیگ فٹبال گوازی برجاہ اَنت، زیکیں روچ ءَ چاردہ ٹیم دیم پہ دیم بیتگ اَنت، اے ٹیمانی تہءَ مانچسٹر سٹی، ایسٹن ولا، کرسٹل پیلس، فل ھم، وولفز، برائٹن ءُ بورنماوتھ وتی گوازیانی تہءَ باج بر بیتگ اَنت۔
زیکیں گوازی ءَ ایسٹن ولا ءَ نیوکاسٹل سئے گول داتگ ءُ لیب وتی نام ءَ کُتگ، ھمے پئیم ءَ کرسٹل پیلس ءَ ساؤتھیمپٹن ءِ دیما دو گول داتگ ءُ باج بر بیتگ، وھدیکہ فل ھم ءَ ایورٹن سئے پہ یک گول ءَ چہ پروش داتگ، دگہ یگ گوازی ءَ وولفزاں برینٹفورڈ دو پہ ھچ ءَ پروش داتگ، ھمے پئیم ءَ برائٹن ءَ چیلسی دو پہ یک گول ءَ پروش داتگ ءُ لیب وتی نام ءَ کُتگ، وھدیکہ بورنماوتھ ٹوٹینھم ءِ دیما سئے پہ دو گول ءَ چہ باج بر بیتگ ءُ ھمے مانچسٹر سٹی ءَ لیسٹر سٹی سئے پہ یک گول ءَ چہ پروش داتگ ءُ گوازی وتی نام ءَ کُتگ۔
زانگ بہ بیت انگلش پریمیر لیگ ءِ دو گوازی مروچی برجاہ بنت اے گوازیانی تہءَ آرسنل ءُ ویسٹ ھم، وھدیکہ دومی لیب ءَ مانچسٹر یونائیٹد ءُ نوٹنگھم فارسٹ دیم پہ دیم بنت۔
انگلش پریمیر لیگ ءِ لڑ ءَ اے وھد ءَ آرسنل اولی نمبر ءَ اِنت وھدیکہ مانچسٹر سٹی دومی ءُ نیوکاسٹل سئمی نمبر ءَ اَنت۔