بلوچستان ءِ دمگ خضدارءَ چہ شش سال پیسر بیگواہ بیتگیں مردمے یل بیتگ ءُ وتی لوگ ءَ سربیتگ۔
فروری 2017 ءَ چہ خضدار ءِ بی آر سی کالونی ءَ چہ زورانسری بیگواہ بیتگیں عتیق بلوچ یل بیتگ ءُ لوگءَ سربیتگ۔
اھوالکارءَ یل بئیگ ءِ ھال راست کنان ءَ گُشتگ کہ آئی یل کنائنگ ءِ ھاترءَ کھول ءِ نیمگ ءَ زھرشانی ھم کنگ بیتگ اَنت۔
وھدیکہ کھول ءَ وائس فار مسنگ پرسنز گل ءِ گور ءَ آئی اھوال ھم جم کُتگ بیتگ اَنت ءُ جتاھیں سیاسی گلاں ھم آئی اھوال دیگ بیتگ اَنت۔
زانگ بہ بیت کہ ٹی بی پی جھگیرءَ اھوال دیان ءَ گُشتگ کہ نھ ما پیسر نوشکی ءَ چہ بیگواہ بیتگیں حبیب بادینی یل بیتگ ءُ لوگءَ سر بیتگ۔ مرچی سرجمی ءَ دو مردم یل بیتگ اَنت۔