مچ ءَ لشکر کشی برجاہ، دمگ پوج ءِ انگرّ انت

بلوچستان دمگ سبی ءُ بولان ءِ نزیک گور ءِ ھند ءُ دمگ مروچی چارمی روچ ءَ یکشل ءَ پوج ءِ انگر انت ءُ وھدیکہ دمگ ءِ تہ ءَ موبائل سروس ھم تنی وھدی بند انت –

اھوالکار ءَ گوں ٹی بی پی ءَ تران کنان ءَ گوشتگ کہ مروچی چارمی روچ ءَ ھم مچ ءُ کش ءُ گور ءِ دمگاں جنگی بالگرد ءُ دگہ بالگردانی تر ءُ تاب برجاہ بوتگ وھدیکہ پوجی کارمنداں بازیں جاھاں راہ ءُ در بستگ انت –

دمگ ءِ تہ ءَ چار روچ انت کہ ھال اھوالی نزام بند انت وھدیکہ بازیں دمگاں مردم ورگی سامان ھم رسگ ءَ نہ انت – دمگی اھوالکار ءِ رِد ءَ پوج ءَ سرجمیں راہ ءُ در بند کتگ انت چریشی ءِ سوب وردنی سامان ءِ ڈکال انت ءُ نادراہ ھم بازیں اڈوجنجالانی دیمپان انت –

دو روچ ساری پاکستانی پوج آئی ایس پی آر ءَ آئی ایس پی آر ءَ ٹاہ داتگ کہ سبی ءِ دمگ مچ ءَ پوج ءَ ھال رستگ ءُ آھاں سلاہ بندانی راہ بستگ ءُ سَے سلاہ بند کہ وتی اوتاک ءِ نیمگ ءَ داشتگ انت –

آئی ایس پی آر ءِ رِد ءَ سلاہ بنداں پھازگی لشکر ءِ سر ءَ تیر گواری کتگ ءُ دو نیمگی تیرگواری ءَ دو سلاہ بند جنگ بوتگ انت –

آئی ایس پی آر ءَ اے ٹاہ ھم داتگ کہ یک سلاہ بندیں مردمے دزگیر کتگ –

بلے تنی وھدی جنگ بوتگیں سلاہ بندیں مردمانی پجار زاھر کنگ نہ بوتگ وھدیکہ واکداراں پوجی آپریشن ءِ درگت ءَ دگہ ھچ وڈیں گیشیں ھال نہ داتگ –