آئی پی ایل 2023: راجستھان ءِ دیم ءَ پنجاپ ءَ گوازی کٹ اِتگ

انڈین پریمیئر لیگ ءِ شانزدھمی سیزن ءِ ھشتمی گوازی چار شمبے ءِ روچ ءَ پنجاپ کنگز ءُ راجستھان رائلز میان ءَ ماں گوہاٹی پٹ ءَ کنگ بوتگ – اے گوازی ءَ پنجاپ ٹیم ءَ پنچ رناں گوازی کٹ اِتگ –

پنجاپ ءِ نیمگ ءَ دیگ بوتگیں یکسد ءُ نود ءُ ھشت رنانی ٹارگٹ راجستھان ءَ پروشت نہ کُتگ، راجستھان ءِ نیمگ ءَ بیست اوورانی تہ ءَ ھپت وکٹانی تاوان ءَ بس یکسد ءُ نود ءُ دو رن جوڈ کت کتگ –

پہ ٹارگٹ ءِ پروشگ ءَ راجستھان ءِ بیٹسمین کپٹن سنجو سیمسن ءَ بیست ءُ پنچ بالاں چِل ءُ دو رن جوڈ کرتگ انت، اشی ءَ ابید شیمرون ہیٹمائر ءَ سِی ءُ شش ءُ دھرو جوریل ءَ سِی ءُ دو رن جوڈ کتگ ءُ ناٹ آؤٹ بوتگ انت – ٹیم ءِ نیمگ ءَ چندرن اشون ءَ رن جوڈ نہ کُتگ ءُ واتر بوتگ –

چدو پیش ٹاس ءِ کٹگ ءَ بے سوب بوتگیں ءُ پنجاپ ءِ کپٹن شیکھر دھون ءُ پربھسمرن سنگھ ءَ جوانیں گوازی پیش داشتگ – ٹیم ءِ ھاتر ءَ دھون ءَ پنجاہ ءُ شش بالانی دیم داشتگ ءُ 153.53 اسٹرائیک ریٹ ءَ گوں ھشت ءُ شش رن جوڈ کتگ ءُ ناٹ آؤٹ بوتگ نیم سنجری کتگ ءُ پربھسمرن سنگھ ءَ سِی ءُ چار بالاں شست رن جوڈ کتگ – پنجاپ ءَ وتی اوورانی تہ ءَ چار وکٹانی تاوان ءَ یکسد ءُ نود ءُ ھپت رن جوڈ کتگ –

راجستھان ءِ نیمگ ءَ جیسن ہولڈر درساں سوبمنتریں بالر بوتگ کہ آئی ءَ پہ ٹیم ءِ ھاتر ءَ دو وکٹ گپتگ انت اشی ءَ ابید روی چندرن اشون ءُ یجویندر چہل ءَ یک یک وکٹ ءِ گپتگ –

پنجاپ ءِ ھاتر ءَ ناتھن ایلس ءَ درساں گیش چار وکٹ گپتگ ءُ اشی ءَ ابید ارشدیپ سنگھ ءَ پہ ٹیم ءِ ھاتر ءَ دو وکٹ گپتگ انت –