آئی پی ایل 2023: گجرات ٹائنٹنز ءَ شش وکٹاں گوازی کٹ اِتگ

گجرات ٹائنٹنز ءُ دہلی کیپٹل ءِ میان ءَ بوتگیں گوازی ءَ گجرات ءَ شش وکٹاں گوازی کٹ اِتگ – ہاردک پانڈیا ءِ کپٹنی ءَ گجرات ءَ تنی وھدی بنداتی دو گوازیاں جوانیں لیب پیش داشتگ – گجرات ءَ آئی پی ایل ءِ ھپتمی گوازی ءَ دہلی کیپٹل شش وکٹاں بُرتگ ءُ دومی براں گوازی وتی نام ءَ کتگ – دہلی ءِ ٹیم وتی ھوم گراؤنڈ ءَ ھم گوازی ءِ برگ ءَ سوبمند نہ بوتگ انت – ڈیوڈ وارنر کپٹنی ءَ گوازی کنوکیں ٹیم دومی رند ءَ بے سوب بوتگ –

دہلی کپیٹلز ءِ نیمگ ءَ دیگ بوتگیں یکسد ءُ شسٹ سَے رنانی ٹارگٹ گجرات ءَ 18.1 اووراں چار وکٹانی تاوان ءَ سرجم کتگ انت – سائی سدرشن ءَ گجرات ءِ نیمگ ءَ درساں گیش شست ءُ دو رن جوڈ کتگ ءُ ناٹ آؤٹ بوتگ – گجرات ءِ اوپنر ءَ اتکگیں ردھیمان ساہا ءُ شبھمن گل ءَ 14-14 رن جوڈ کتگ انت –

اشی ءَ ابید کپٹن ہاردک پانڈیا ءَ پنچ رنانی جوڈ کنگ ءَ پد آؤٹ بوتگ – وجے شنکر 29 رنانی جوڈ کنگ ءَ پد مچیل مارش ءِ دست ءَ ایل بی ڈبلیو بوتگ دہلی نیمگ ءَ اینریک نورکیا ءَ دو وکٹ گپتگ انت –

اشی ءَ پیش دہلی کیپٹلز ءَ اولسر ءَ بیٹنگ کنان ءَ آل راؤنڈر اکشر پٹیل ءِ بیست ءُ دو بالاں سِی ءُ شش رنانی جوڈ کنگ ءَ ھشت وکٹانی سر ءَ یکسد ءُ شست ءُ دو رن جوڈ کتگ –

دہلی نیمگ ءَ کپٹن ڈیوڈ وارنر ءَ سِی ءَ دو بالاں سِی ءُ ھپت ءُ سرفراز خان ءَ سِی ءُ چار بالاں سِی رن جوڈ کتگ بلے ھردو بیٹس میناں جھد کتگ کہ رناں گیش بہ کن انت بلے بے سوب بوتگ انت –

اکشر پٹیل ءَ وتی اننگز ءِ تہ ءَ دو چوکا ءُ سَے چکا جتگ آئی ءَ ابھیشک پوریل ءِ کمک گون بوتگ – بیست سالی ایں پوریل یازدہ بالاں دو چکایانی گوم ءَ بیست رن جوڈ کتگ انت –