بلوچستان ءِ جتا جتائیں جاھاں دو مردماں وتکشی کتگ

بلوچستان ءِ دمگ کیچ ءُ ڈیرہ بگٹی ءَ دو ورنایاں وتی زندگی گوں وتی دستاں چُٹینتگ ءُ ھلاس کتگ –

بلوچستان ءَ وتکشی ءِ وئیل وھد وھد ءِ سر ءَ بوگ ءَ اَنت کہ ایشانی گیشتریں سبب اود ءَ مھلوک زھنی نادراھی، زند ءِ ناوشی ءُ دگہ دگہ پڑاں بندوکیں دردانی سبب ءَ بوگ ءَ اَنت-

وتکشی ءِ وئیل بلوچستان ءَ یک سالے ءِ توک ءَ بے کساس ءَ گیش بوتگ اَنت کہ اود ءَ وتکشی ءِ وئیلاں یک تُرسی جاورے ودی کتگ-

گوستگیں روچ ءَ تربت ءِ شھر ءَ یک ورنائے ءُ وتکشی کتگ ءُ وتی زندگی ھلاس کتگ –

وتکشی ءِ وئیل تربت آبسر ءَ پیش اتکگ کہ اود ءَ محمد حنیف ء عبدالغنی نامے مردمے ءَ وتکشی کتگ ءُ وتی زند ھلاس کرتگ-

ھمے وڑ ءَ بلوچستان ءِ دگہ یک جنگزدگ آماچیں ھندے ءَ یک ورنایے ءَ وتی زندگی گوں وتی دستاں ھلاس کتگ-

ڈیرہ بگٹی ءَ سیزدہ سالی ئیں شازین جھمنند سوئی ڈیرہ بگٹی ءَ وتی زندگی ھلاس کتگ ءُ وتکشی کتگ-

بلوچستان ءَ وتکشی ءِ وئیل ھمے سال ءَ ترندی ءَ گوں برجاہ اَنت کہ گوستگیں ماہ ءَ بالگتر ءَ یک جنکے ءَ وتکشی کتگ ات ءُ ھمے وڑ دو روچ رند یک بچکے ءَ ھم وتکشی کتگ ات –