تربت ءَ پاکستانی پوج سر ءَ بیتگیں اُرش زمہ واری ءَ منّ ایں- بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گوستگیں شپ ءَ تربت ءَ پاکستانی پوج سر ءَ بیتگیں اُرش زمہ واری منّ اِتگ-

جیئند بلوچ ءِ گْوشگ اِنت کہ بلوچ لبریشن آرمی سرمچاراں گوستگیں شپ ءَ کیچ شھر تربت ءَ زورگریں پاکستانی پوج ءِ بُنجاھی بُنجل ءِ پھازوکی چوکی گوں گرنیڈ لانچر ءَ چہ نشانگ کتگ اَنت-

جیئند بلوچ ءَ گْوشتگ کہ سرمچاراں پاکستانی پوجی اوتاکانی سر ءَ بازیں گولھے آس داتگ چریشی ءَ چہ دُژمنیں کارندھاں جانی ءُ مالی تاوان چست کنگ کپتگ-

گُڈسر ءَ جارکش ءَ گوشتگ کہ بلوچ لبریشن آرمی اے اُرش زمہ واری ءَ منّ اِیت-