شال: گرانپروشی ءِ ھلاپ ءَ گامگیج زوران ءَ ھپت دکاندار دزگیر

گران پروشی ءِ گر ءُ دار کنوکیں کمیٹی ءَ سریاب شال ءَ گرانپروشی ءِ ھلاپ ءَ گامگیج زوران ءَ مروچی دگہ ھپت دکاندار گپتگ ءُ جیل ءَ راہ داتگ اَنت-

اسٹنٹ کمشنر سریاب نثار اھمد لانگو ءِ چیردستی ءَ موسیٰ کالونی ءُ کچگی دمگاں کساب، شیر بھا کنوکاں ھوار دگہ دکاندارانی ھلاپ ءَ گامگیج زوران ءَ ھپت کس دزگیر کتگ ءُ برتگ اَنت-

بازیں دکاندار گڈی بیھاری سرپدی ءَ پد گوشگ بیتگ کہ آ سرکاری ایر کرتگیں نھاد ءَ برز مہ رو اَنت ءُ ایشی ءِ ھواری ءَ سریاب ءَ سستا بازار ءِ تر ءُ تاب اش ھم کتگ-

انتزامیہ ءَ بیست ءُ سَے وردنی چیزانی نھاد سرکاری نھاد ءِ دارگ ءِ کڈنی کتگ ءُ بلے بازیں جاھاں اے گپ ءُ شکایت سر بوگ ءَ اَنت ءُ چریشی ءِ سر ءَ گامگیج زورگ بوگ ءَ اِنت ءُ مھلوک ءِ سر ءَ گیشین بوج دیگ نہ بیت اِنت-

گران نھادی ءِ سبب ءَ ھمک مردم پریشان اِنت بلے اے وڑ نہ اِنت آئی ءِ بوج ءَ گریبانی کوپگاں بہ لڈ ءُ مارکیٹ ءَ نھاد ءِ سر ءَ انساپ بہ بیت ءُ مھلوک ءِ واستا وردنیانی واستا جائزین نھاد انتزامیہ ءِ اولی گامگیج اِنت-

سستا بازار ءِ سر ءَ ترندیں نگاہ ایر اَنت دانکہ مھلوک ءُ ھچ وڑیں جنجالانی دیمپانی مہ بیت اِنت ءُ انتزامیہ ءِ جھد ھمیش اِنت سستا بازار ءَ دراھیں نھاد وتی جاہ ءَ بروبری ءَ ایر بہ بنت-