کویت ءِ وزارت ءِ ھیلکار ءَ یک ھزار ءُ ھشت سد ءُ پانزدہ درملکی استاد چہ ملازمی ءَ کش اتگ انت ءُ ایشی ءِ جاہ ءَ کویت ءِ مردم داشتگ اَنت-
عاجل تندجاہ ءِ رد ءَ کویت ءِ واکداراں وانک ءُ ھیلکاری ءِ ادارھاں جتا جتائیں پھناتاں بندوکیں دو سد ءُ نُھ درملہ سروک پارگ کتگ اَنت-
وزیر ءِ ھیلکار ءُ مزن وانگ ءِ وزیر ڈاکٹر احمد ءَ تچک ءَ کڈنی داتگ کہ وانگ ءُ انتزامیہ ءِ واکدارولیں درملکی مردماں ھلاس کن ات –
کویت ءِ وزارت ءِ جارکش ءَ درشان دیان ءَ گوشتگ کہ سرکار ءَ دوھزار ءُ ھبدہ ءَ سرکاری جاھاں کار کنوکیں درملکیانی جاہ ءَ کویت ءِ منندی داشتگ اَنت ھمے سبب ءَ درملکیاں ھشکیں دست کنگ اِنت-
جارکش ءَ گوشتگ کہ کویتائزیشن ءِ اے گامگیج ءَ ڈیھ ءِ تہ ءَ وانگ ءُ زانگ ءِ تہ ءَ گھتری کیت اِنت وانگی تکانی توک ءَ گچینی کیت اِنت – دمگی مردمانی بے روزگاری ءِ توک ءَ کمی گندگ ءَ کیت اِنت، نوکیں روزگاد ءِ موہ رس ایت اِنت – آئی ءَ گوشتگ کہ درملکی استاداں ھما کساس ءَ کویت ءِ توک ءَ وتی پرز پیلو کتگ ما آیانی منت ءَ گریں –