بلوچستان ءِ دمگ کیچ ءُ خضدار ءَ پاکستانی پوج ءِ پوج کشی برجاہ انت۔
بونشون ءِ ردءَ کیچ ءِ ھند کلبر ءَ مروچی سُہب ءَ چہ پوج کشی برجاہ انت۔ ھَندی گْواجِن ءِ ردءَ پاکستانی پوج ءِ گاڑیاں کلبرے نیمگ ءَ رؤگ ءَ دیستگ۔
دومی نیمگ ءَ خضدار ءَ اَھوال انت کہ خضدار ءِ ھَند گریشگ ءَ اوں پوچ کشی بوھگ ءَ اِنت۔
چہ اے پوج کشی ءَ انگت ءَ جانی ءُ مالی تاوانانی اھوال نہ رستگ، ءُ واکدارانی نیمگ ءَ ھم انگت ءَ اگ بابت ءَ ھچ پئیمیں درشانے شنگ کنگ نہ بیتگ۔
زانگ بہ بیت کہ کوہلو ءَ گوستگیں روچ ءَ چہ پاکستانی پوج ءِ پوج کشی برجاہ انت، مروچی سُہب ءَ کاہان شھر ءَ پوج ءَ پوج کشی بندات کتگ۔ گوستگیں روچ ءَ کوہلو ءِ ھند جنتلی، سخین ءُ لوپ ءِ ھند ءُ دمگ پوج کشی ءِ دام ءَ بیتگاں البت مروچی پوجی کارمنداں ہیلی کاپٹرانی گوما کاہان شہر ءَ ایرگیجگ ءَ انت۔