پیس بک ءِ نیمگ ءَ سال دوھزار ءُ بیست ءُ سَے ءَ گچینی چیزانی مٹ کنگ ءِ جار

چاگردی ترامجاہ ءِ تندجاہ پیس بک ءِ نیمگ ءَ اے سال ءَ مزنیں کساسے ءَ بدلی آرگ ءِ جار جنگ بیتگ انت –

چاگردی تندجاہ پیس بک ءِ نیمگ ءَ نُھ سال ءَ پیش پیس بک ءَ موبائل ایپ ءَ چہ چیٹ ءِ آپشن ھلاس کتگ ءُ میسنجر ءِ نام ءَ یک ایپے جوڑ کرتگ ات-

نی میٹا کمپنی ءِ نیمگ ءَ یک رندے پد ءَ میسنجر ءَ پیس بک ءِ موبائل ایپ ءِ بھر جوڑ کنگ ءِ جار پرینتگ-

پیس بک انتزامیہ ءِ سروک ٹام ایلیسن ءِ نیمگ ءَ یک بلاگ پوسٹے ءَ گوشگ بیتگ کہ ما پیس بل ایپ ءِ توک ءَ میسنجر ءَ داں رسگ ءَ فیچر ءِ کوشش ءَ کنگ ءَ ایں باز زوت ایشی ءَ ٹیسٹ ءِ بھر جوڑ کن ایں-

زانگ بہ بیت پیس بک دنیا ءِ اولی چاگردی ترامجاہ بیتگ کہ آئی ءِ توک ءَ چیٹ آپشن ھلاس کنگ بیتگ-

کمپنی ءِ گوشگ اِنت مئے مول ءُ مرسد میسنجر ءَ یک جوانیں میسجنگ ایپے جوڑ کن ایں-

اے تچک کنگ نہ بیتگ کہ نُھ سال ءَ پد میٹا کمپنی پرچا میسنجر ءَ پیس بک ءِ بھر کنگ ءَ اِنت بلے اے چو گمانی ءَ ھمے لگ ایت کہ ٹک ٹاک ءِ دیم ءِ دارگ ءَ کنگ ءَ اِنت –

ٹام ایلیسن ءِ رد ءَ میٹا ءِ نیمگ ءَ پیس بک ءَ شیئرنگ ءُ چیٹ ءِ واستا جوانتریں چیز جوڑ کنگ ءِ جھد ءَ ایں دانکہ مھلوک پیس بک ءِ توک ءَ میسجنگ ءِ گون ءَ مواداں شنگ بہ کن اَنت ءُ دانکہ آیاں دگہ ھچ ایپ ءِ زلوری مہ بیت –

زانگ بہ بیت ٹک ٹاک ءِ کارمرد کنوک وتی دومی ھمراھاں ویڈیوزاں تچک ءَ شنگ ءُ تالان کت کن اَنت-

کمپنی ءِ نیمگ ءَ اے گوشگ نہ بیتگ کہ اے فیچر کدی ءُ کجام روچ ءَ شنگ ءُ تالان کنگ بیت اِنت-

آئی ءِ گوشگ اِنت اے زلوری نہ اِنت اے کارمرد کنوکانی واستا جوان اِنت بلے ایشی ءَ چہ زانگ بیت اِنت میسجز ءِ ایپ ءِ درایگ ءَ ابید پسو دات کنت-

ھمے وڑ ءَ پوج ءِ اسٹوریج ھم پائدگ بیت اِنت ءُ اود ءَ یک جاھے ھالیگ بیت ءُ پون سبک بیت اِنت-