سر بیتگیں ھالانی رد ءَ روکپتی بلوچستان ءِ دمگ بندر عباس ءَ ایرانی آمیدگس ءِ ھکم ءَ یک بندیگیں مردمے پاھو دیگ بیتگ –
پاھو دیگ بیتگیں مردم ءِ پجار چِل ءُ شش سالی ئیں شاہ بخش استادی ء ھدا بکش ءِ نام ءَ زانگ بیتگ کہ ا پنوج ءِ جھمنند گوشگ بوگ ءَ اِنت-
ھالانی رد ءَ شاہ دو سال پیش نشہ باپاری ءِ بھتام ءَ دگہ یک مردین ءُ زالبولے ءِ ھمراھی ءَ گرگ بیتگ ءُ پد ءَ ا دوین کس یل بیتگ اَنت-
ھالانی رد ءَ گوشگ بیتگ کہ شاہ بکش ءِ کھول پاھو دیگ ءَ پیش ھال دیگ نہ بیتگ مروچی آ پاھو دیگ ءَ پد کھول رھوت کنگ ءُ ھال دیگ بیتگ-
زانگ بہ بیت گوستگیں روچ ءَ ھم بندر عباس ءِ زندان ءَ چار کس پاھو دیگ بیتگ ات کہ آیانی توک ءَ حمید شاھوزئی، بھرام بھزادی، رمشک ءُ مھمد امین ءِ ناماں زانگ بیتگ ات اَنت-