سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءَ ایرانی چیریں ادارھانی دست ءَ آوار جنگ بیتگیں سَے کس یل بیتگ ءُ وتی لوگاں سر بیتگ اَنت –
یل بیتگیں مردمانی پجار زکریا کھرازئی ء ھاجی مھراب، مھمد کوھساری ء خلیل، ناسر ریگی ء نادر جھمنند زاھدان ءِ ناماں زانگ بیتگ اَنت-
اھوالانی تہ ءَ گوشگ بیتگ کہ زکریا کھرازئی ءُ مھمد کوھساری دگہ چار کسانی ھواری ءَ ما زاھدان ءَ گرگ بیتگ اَنت بلے آ دویں مردم دنیگتا یل کنگ نہ بیتگ اَنت-
زانگ بہ بیت روکپتی بلوچستان ءَ گوستگیں آدینگ ءِ زھرشانی ءِ وھد ءَ پولیس ءَ زھرشانی کنوکانی سر ءَ انسو گیس آس داتگ ات کہ چریشی ءَ زھرشانی کنوک زدگ بوگ ءِ ھواری ءَ دزگیر کنگ ھم بیتگ ات اَنت-