بلوچستان: پوج ءِ دست ءَ آوار جنگ بوتگیں یک مردمے یل بوتگ ءُ دگہ یکے آوار جنگ بوتگ

سربوتگیں ھالانی رِد ءَ پاکستانی پوج ءَ یک مردمے زورانسری آوار جتگ ءُ بیگواہ کتگ، وھدیکہ پوج ءِ دست ءَ زورانسری آوار جنگ بوتگیں یک مردمے یل بوتگ ءُ وتی گِس ءَ سر بوتگ –

گیشیں ھالانی رِد ءَ چار روچ ساری پاکستانی پوج ءَ چہ کراچی ءَ یک مردمے زورانسری آوار جتگ ءُ بیگواہ کتگ –

آوار جنگ بوتگیں مردمے پجار شہزاد ء میر جان ڈومکی ءِ نام ءَ بوتگ –

دومی نیمگ ءَ ھمے ھال آیگ انت کہ سال دوھزار بیست ءُ دو ءَ پاکستانی پوج ءِ دست ءَ زورانسری آوار جنگ بوتگیں بوتگیں ورنا ثاقب زھری یل بوتگ ءُ وتی گِس ءَ سر بوتگ –

زانگ بہ بیت بلوچستان ءِ جتا جتائیں ھند ءُ دمگاں پاکستانی پوج ءِ زوراکیانی درچ یکشل ءَ برجاہ انت اے میان ءَ بازیں مردمے زورانسری آوار جنگ ءُ بیگواہ کنگ بوگ ءَ انت ءُ آھانی تہ ءَ کمے کساس ءَ مردم یل کنگ بوگ انت دومی نیمگ ءَ دوسری آوار جنگ ءُ بیگواہ کنگ بوگ انت – بیگواھیں مردمانی پانکجنیں گل وائس فار بلوچ مسنگ پرسنز ءِ رِد ءَ اے وھدی کساس پنجاہ ءُ پنچ ھزار مردم پاکستانی پوج ءَ آوار جتگ ءُ بیگواہ کتگ انت –