بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءُ سبی ءَ دو جتائیں جاھاں پاکستانی لشکر نشانگ کُرتگ چریشی ءَ دُژمن ءِ چار کارمند ٹپی بوتگ اَنت۔
جارکش ءَ گْوشتگ کہ بی ایل اے سرمچاراں پاکستانی زورگِریں لشکر ءِ سر ءَ اولی اُرش کیچ ءِ میتگ ھیرونک ءَ دوشی ئیں شپ ءِ ساھت نُھ ءُ نیم ءَ گوں گرنیڈ لانچر ءِ گولا آس داتگ ءُ گوں وتکاریں سلاھاں نشانگ کرتگ اَنت۔ چہ اے بلاھیں اُرش ءَ دژمن ءِ دو کارمند سکی ءَ ٹپی بوتگ ءُ دِگہ جانی ءُ مالی تاوان ءِ دیمپانی بوتگ اَنت۔
دیم ءَ گْوشتگ ئِے کہ بلوچ راجی سرمچاراں دومی اُرش سبی ءِ میتگ تندروی ءَ کُتگ۔ ماں اے اُرش ءَ دژمن گوں چیریں شوراں ھما وھد ءَ نشانگ کُت وھدے کہ دُژمن ءِ لشکر پیاداگ گشت کنگ ءَ بیتگ انت۔ اے تراک ءَ دژمن ءِ دو کارمند ٹپی بوتگ انت۔