بی ایل ایف ءَ فروری ماہ ءِ سرجمیں اُرشانی ھال شنگ کتگ

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ وتی افیشل ٹیلیگرام چینل آشوب ءَ فروری ماہ ءَ پاکستانی پوج ءِ سر ءَ بوتگیں سرجمیں اُرشانی ھال شنگ کتگ گوشتگ کہ مئے سرمچاراں فروری ماہ ءَ پاکستانی پوج ءُ آئی کمکاراں ھوار سرجمی ءَ سِی ءُ یک اُرش کرتگ انت –

جارکش ءَ گوشتگ کہ اُرشانی آسر ءَ بیست ءُ ھشت ءَ گیش پاکستانی پوجی کارمند مرتگ انت( پنچ کارمند پکا انت) ءُ بازینے زدگ بیتگ انت – اے اُرش ریموٹ کنٹرول ءُ چیرکرتگیں شورہ، دستی بمب، شوربندی ( موبائل ٹاور) ، اسنائپر توپک ءِ اُرش، پاکستانی پوج ءِ بندساچی شرکتانی سر ءَ اُرش، راشن بروک، سْیاڑی ءُ کمکارانی سر ءَ بوتگ انت –

جارکش ءَ گوشتگ کہ پروری ءِ ماہ ءَ مئے ھشت سرمچار مزن بند ءَ پاکستانی پوج ءِ برزی اُرش ءَ شھید بیتگ انت ءُ یک سرمچارے کیل کور ءَ پاکستانی پوج ءِ گوم ءَ میڑ ءَ شھید بیتگ – بی ایل ایپ شھیدانی جھد ءُ دیمونیاں بی ایل ایف شھیدانی جھد ءُ دیمھونیاں شرپ ءِ نگاہ ءَ چاریت ءُ آھاں سھرچکیں دروت ندر کنت –

آئی ءَ گوشتگ کہ جاؤ پیلار، بولان سراج آباد، کولواہ چمبر، مشکے شردوئی ءَ پاکستانی پوج، سْیاڑی ءُ کمارانی سر ءَ چار بمب اُرش کرتگ انت- جاؤ پیلار ءَ کشندہ ٹولی ءِ دو کارمند نورا ء اللہ بخش ءُ محب اللہ ء محمد ہاشم ءِ سر ءَ بمب اُرش کرتگ کہ اُرش ءِ آسر ءَ دوئیں زد بیتگ انت – بولان سراج آباد ءَ برگیڈیئر ندیم لاشاری ءِ کاروان گوں چیر کرتگیں شورھاں نشانگ کرتگ ارش ءِ آسر ءَ شش کارمند مرتگ انت – کولواہ چمبر ءَ پوج ءِ ادارکی ٹکانہ ءَ تراکناکیں شورہ چیر کرتگ ءُ نشانگ کرتگ انت – مشکے شردوئی ءَ پاکستانی پوج ءِ پیادگی گشتی ٹولی گوں چیر کرتگیں شورھاں نشانگ کرتگ اَنت –

میجر ءَ گوشتگ کہ پاکستانی پوج ءُ بند ساچی کمپنی ءِ سینزدہ گاڑی تباہ ءُ تاوان داتگ انت، کہ آھانی تہ ءَ گوادر ءِ ھند کلانچ کلگ ءَ پاکستانی پوج ءِ بند ساچی کمپنی ( ایپ ڈبلیو او) ءِ ھپت گاڑی مانداشتگ انت – تمپ ابدوی نھنگ کور ءِ بنجل ءَ اُرش ءِ وھد ءَ یک بلڈوزرے چہ اُرش ءَ تاوان داتگ- بولان سراج آباد ءَ پوج ءِ کاروان ءِ سر ءَ بمب اُرش کرتگ ءُ یک گاڑی یے سرجم ءَ تباہ بیتگ- مند موکندر ءُ دو کوپ ءَ پاکستانی پوج ءِ کاروان ءِ نشانگ کنگ ءَ چار گاڑیاں تاوان بیتگ –

میجر گھرام ءَ گوشتگ کہ کیچ ءِ بنجاھی شھر تربت ءُ جوسک ءَ سے دستی بمب اُرش کرتگ،اے اُرش تالیمی چاراہ ءَ برجاھیں پاکستانی لشکر ءِ پانگس سرا، جوسک ءَ پوجی ءِ پانگس ءُ تربت ءِ بالی پٹ ءَ پاکستانی پوج ءِ پانگس ءَ دستی بمب اُرش کرتگ انت – تربت سنگانی سر ءَ بورڈ ءِ نزیک ءَ پاکستانی پوج ءِ پانگس ءَ آر پی جی ءِ دو گولا آس داتگ چہ ایشی ءَ دو کارمند مرتگ ءُ یکے زدگ بیتگ- پنجگور چتکان ءَ نیوکمپلکس ٹرمینل ءَ پاکستانی پوج ءِ گاڑی ءِ سر ءَ اُرش کرتگ سروکے ءَ ھوار دو کارمند مرتگ انت –

جارکش ءَ گوشتگ کہ زامران اَبدوی ءَ نھنگ کور، تمپ ءِ ھزگندی کور ءَ برجاھیں پاکستانی پوج ءِ پانگسانی سر ءَ سے اُرش کرتگ، ھمے وڑ ءَ بولان دربی، مند کوہ ڈگار، جاؤ جلونٹی، ھزدار گریشگ، مشکے میسکی ءَ پاکستانی پوج ءِ نیمگ ءَ پہ بلوچ جھدکارانی ٹریس کنگ ءَ مک کرتگیں شش موبائل ٹاور تباہ کرتگ ءُ مشین ءُ دگہ ازباب مانداشتگ اَنت۔ کولواہ مراستان ءَ پاکستانی پوج ءِ راشن دستیگ کرتگ اَنت-

بی ایل ایف ءِ جارکش میجر گھرام ءَ گڈسر ءَ گوشتگ کہ پاکستانی پوج ءِ سر ءَ اُرش زورگپتیں بلوچستان ءِ آجوئی ءَ تاں گوں ترندی ءَ برجاہ مان انت –