امریکہ ءِ نامی ئیں وکیل ایلکس مرڈو ءَ گراک ءِ زرانی دُزگ ءَ پد وتی زال ءُ زھگ کُشتگ اَنت

امریکہ ءِ اُستان زربسری کیرولائنا ءَ سیادی داروکیں نامی ئیں وکیل ایلکس مرڈو ءِ سر ءَ زال ءُ زھگ ءِ کوش ءِ بھتام ءَ نام گپتی جرم جنگ بیتگ ءُ سزا مروچی اشکنائینگ بیت اِنت-

فرانسیسی ھال سرکنوکیں ادارہ اے ایف پی ءِ رد ءَ پشمبے ءَ امریکہ ءِ جیوری ءَ پنجاہ ءُ چار سالی ئیں وکیل ایلکس مرڈو وتی زھگ ءُ زال ءِ کوشکار گوشگ بیتگ –

زرباری کیرولائنا ءِ وکالت ءِ ٹک ءَ سیادی داروکیں وکیل ایلکس مرڈو ءَ وتی زھگ پال شاٹ گن ءِ گون ءَ کُشتگ ءُ وتی زال ءِ کُشگ ءَ رائفل کارمرد کتگ کہ ایشی ءَ چوشکہ مردم جنگل ءَ رسترانی جنگ ءَ کارمرد کن اَنت-

پشمبے ءِ روچ ءَ سَے اداراں آمیدگسی چار ءُ ٹپاس ءَ پد جیوری ءَ پیسلہ اشکنائینتگ چریشی ءَ پد جرمکار ءَ دوبر کیس ءِ ھلاینگ ءِ دستبندی کتگ ھمے وڑ جج کلنٹن نیومین ءَ گپ کنان ءَ رد کتگ ءُ گوشتگ کہ دزمانجنی ءِ ھوار بوگ ءَ منانک باز گیش اَنت-

جیوری ءَ گوشتگ کہ وتی کانونی فرم ءُ کلائنٹس ءَ گوں بازیں سالاں لکانی زرانی دزگ ءَ پد ایلکس مرڈو ءَ کجام رنگ ءَ ھپت جون دوھزار ءُ بیست ءُ یک ءَ وتی کھول کُشتگ –

وئیل جاہ ءَ توپک ءُ ھونانی نشان کنگ بیتگیں گُد گندگ نہ بیتگ اَنت چریشی ءَ چہ اے منانک بہ بیت کہ ایکلس مرڈو کوشکار اِنت-

جج کلنٹن نیومین ءَ گوشتگ کہ آدینگ ءِ سھب ءَ سزا اشکنائینگ بنت ھمے ور ایلکس مرڈو ءَ ھمک یک کوشکاری ءِ جرم ءَ کساس سِی سال بندیگی ءِ سزا دیگ بیت اِنت –

زرباری کیرولائنا ءِ اٹارنی جنرل ایلن ولسن ءَ پریس بریفنگ دیان ءَ کُشگ بیتگیں مردمانی درگت ءَ گپ کنان ءَ گوشتگ ما آیاں دوبر آورت نہ کن ایں بلے آیاں انساپ الم دات کن ایں-

آئی ءَ گوشتگ کہ مروچیگیں اے پیسلہ ءَ پدر بیتگ کہ چاگرد ءَ ھرچ نامے بہ بیت آ چہ کانون ءَ برزتر نہ اِنت-

زرباری کیرولائنا ءَ شش ھپتگاں برجاھیں نیاد ءَ پد جیوری ءَ اے پیسلہ کتگ ھما کساس ءَ مھکمیں منانک جاڑیگ اَنت دو کوشکاری کنگ ءُ سلاہ ءِ کارمرد کنگ ءَ ایلجس مرڈو ءَ جرمکار کت بہ کن آں –

آمیدگسی ٹپاسکاری ءِ وھد ءَ ایلکس مرڈو ءَ وتی پنجاہ ءُ دو سالیگیں زال ءُ بیست ءُ دو سالیگیں زھگ ءِ کوش ءِ درگت ءَ جتگیں بھتامان یکشل ءَ رد کنان ءَ بلے داں انگت ءَ آئی ءَ را زرانی دُزگ ءُ نشہ ءِ کامرد کنگ ءِ درگت ءَ دروگ بندگ من اتگ-