اوگان ءِ دمگ سوبہ خوست ءَ تراکناکیں شوروانی اُرش ءَ ٹی ٹی پی ءِ کمانداراں ھوار شش بیران

پاکستانی رسانکدرانی رِد ءَ اوگانستان ءِ دمگ سوبہ خوست ءَ تراکناکیں شورہ آئی اِی ڈی ءِ اُرش ءَ تحریک تالبان پاکستان ءِ کمانداراں ھوار شش مردم بیران ءُ پانزدہ زدگ بوتگ انت –

اھوالکار ءِ رد ءَ آئی ای ڈی اُرش ءَ ٹی ٹی پی ءِ کماندار عبدالمنان، عالم خان مدہ خیل، کجیر ءَ ھوار سَے ناشناسیں مردم بیران بوتگ انت –

اھوالکار ءِ رِد ءَ زدگ بوتگیں مردمانی تہ ءَ ٹی ٹی پی ءِ کماندار فضل امین، کماندار محمد پنام ءِ طوفان، کماندار نور پایو خان ھوار انت –

اشاں ابید فقیراللہ تروزئی، ست کئی، علی سرخان، زبیر، ہجرت اللہ، کمال، شیر افضل، بخت اللہ، زبیح اللہ ءُ دگہ دو ناشناسیں مردم زدگانی تہ ءَ ھوار انت –