جوبائیڈن دوبر گچینکاری ءَ بھر زیر ایت جوبائیڈن ءِ لوگ بانک

امریکہ ءِ زالبول اول جل بائیڈن ءِ گوشگ اِنت آئی ءِ لوگ واجہ جوبائیڈن دومی بر ءَ چار ءِ وھد ءَ سرجم کنگ ءِ ھواری ءَ گچینکاری ءَ بھر زیر ایت بلے داں انگت یَ ایشی ءِ سرجمیں جار ءِ جنگ پشکپتگ-

برتانہ ءِ ھال سر کنوکیں روئٹرز ءِ رد ءَ امریکہ ءِ شنگ کنوکیں ادارہ سی این این ءَ وھدیکہ بائیڈن ءِ گوستگیں تر ءُ تاب ءِ رجم بوگ ءَ نمیبیا ءُ کینیا ءِ وجد ءَ جست کتگ گڑا جل بائیڈن ءَ گوشتگ کہ من امیت داریں بائیڈن یک جارے جنت-

جل بائیڈن ءَ یک جستے ءِ پسوا گشتگ کہ اے امیت ءَ رد کن آں ھشتاد سالی ئیں ڈیموکری- سال دوھزار ءُ بیست ءُ چار ءِ گچینکاری ءَ ڈن بیت اِنت –

آئی ءَ سفر ءِ وھد ءَ ایسوسی ایٹڈ پریس ءَ مھکمین دیدانک داتگ اَنت وھدیکہ آئی ءَ را جست کنگ بیتگ کہ آ دوبر گچینکاری ءَ بھر زور ایت –

گڑا جل بائیڈن ءَ گوشتگ کہ آئی ءَ چنکس بر ءَ پسھی دیگ کپ ایر بھر زور ایت- بائیڈن سال دوھزار ءُ بیست ءُ چار ءِ گچینکاری ءَ بھر زور ایت یا نا ایشی ءَ وھد ءِ سر ءَ ڈیموکریٹس ءِ میان ءَ گپ ءُ تران بوگ ءَ اِنت-

آئی ءَ گوشتگ کہ بائیڈن ءَ وت باز بر ءَ گشتگ کہ آ دوبر گچینکاری ءَ بھر زور ایت ءُ وتء اُمر ءِ بارو ءَ آئی ءَ بازیں جستانی گپ رد کتگ اَنت داں انگت ءَ سرجمیں ھال نہ بیتگ اَنت –

آئی ءَ وائٹ ھاؤس ءَ اے بی سی ءِ ڈیوڈ موئیر ءَ گوشتگ کہ داں انگت ءَ بازین چیز ھست اَنت آیانی مھم ءِ بندات ءَ پیسر ھلاس بنت-

جوبائیڈن ءَ گوستگین نومبر ءَ گشتگ ات کہ سال دوھزار ءُ بیست ءُ سَے ءِ گڈسر ءَ پیسلہ کنت دوبر گچینکاری ءَ بھر زور ایت یا ناں بلے داں موسم ءِ بھار ءَ ھچ جار پرینگ نہ بیتگ اَنت-

بائیڈن مروچی ھم مزنیں پرائمری ءِ دیمپان کنگ نہ کپتگ آ سال ءِ بندات ءَ چیرین پٹ ءُ پولانی آماچ بیتگ ءُ ھمے زوت ءَ یوکرین ءِ جیڑہ ءِ سر ءَ آئی ءِ ھیال ترینتگ-

بائیڈن ءِ وائٹ ھاؤس ءِ گوستگیں مشیر سیڈرک رچمنڈ ءَ جست کنگ بیتگ کہ مارچ یا اپریل کجام ھم جار ھست اَنت گڑا آئی ءَ گوشتگ وھدیکہ بائیڈن ساجو بیت اِنت جار جنگ بیت اِنت-

پولز ءَ امریکہ ءِ لھتے شھریاں گمان ھست آئی ءِ اُمر مزن بوگی اِنت داں دومی بر ءَ آ ھشتاد ءُ شش سالیگ بیت اِنت-