بلوچستان اسمبلی ءِ وزیر سردار کھیتران ءِ گمانی جِند ءِ زندان ءَ بندیگیں ءُ لٹ شاپی ءَ بیران بیتگیں مردمانی کل کسارت کنگ بیتگ۔
اھوالانی ردءَ بارکھان ءِ چاتءَ چہ دزکپتگیں 3 جونانی کل کسارت کنگ بیتگ۔ بارکھان ءَ چاتءَ دزکپتگیں جونانی تہءَ یک جونے جِنِکے ئے بیتگ کہ آئی پجار نہ بیگ ءِ سوب ءَ ایدھی کبرستان ءَ کل کسارت کنگ بیتگ وھدیکہ خان محمد مری ءِ دو بچک مشرقی بائی پاس شال ءِ کبرستان ءَ کل کنگ بیتگ اَنت۔
پجار نہ بیتگیں جِنِک بے وارث نامینگ ءُ کل کنگ ءِ سرءَ سیاسی ءُ چاگردی تکاں ترندیں ایراد گری کُتگ ءُ گُشتگ کہ کل کسارت ءَ پیسر آئی سیاد ءُ وارث درگیجگ ءُ جون آیاں دیگ بہ بیت اِنت۔
زیک مری اتحاد ءِ نندانک ءِ ھلاسی ءِ سرءَ گیشتریں ورناھاں جِنِکے جونے دیگ ءَ چہ مہ کن کنان ءَ نندانک ءِ برجاہ دارگ ءِ جار جتگ اَت۔ البت رندترءَ آیاں درستیں جون مری اتحاد ءَ داتگ اَنت ءُ لوگاں واتر بیتگ اَنت۔