جونانی سر ءَ نندگ ءُ گریوگ ءَ ھچ نہ بیت، ڈن ءَ در بیا ات ءُ اے ناشراں گوں جنگ بہ کن ایت – ٹی ٹی پی

تحریک تالبان پاکستان ءَ رسانکدراں وتی شنگ کرتگیں درشان ءِ تہ ءَ بارکھان ءِ وئیل زوراکی ءِ گوشتگ، آئی ءَ گوشتگ کہ روانکانی دروشم ءَ جونانی سر ءِ گریوگ ءَ پہ ھچ نہ بیت ڈن ءَ در بیا ات ءُ اے ناشراں گوں جنگ بہ کن ایت –

ٹی ٹی پی ءَ وتی درشان ءِ تہ ءَ گوشتگ کہ بلوچستان ءِ دمگ بارکھان ءَ یک ویڈیرہ ءُ سوبائی وزیر عبدالرحمان کھیتران ءَ یکیں کھول ءِ سَے مردم مات ءُ دو زھگ بندیگ کتگ انت ءُ کہ سرجمیں سوبہ ءَ آ یل کنائینت نہ کتگ انت، یک ماتے ءِ شنگ بوتگیں تامر کہ آئی ءَ قرآن دست انت ءُ پریات انت آئی ءِ پریات ءَ ھچ نہ بوت ءُ آکر چہ یک چاتے ءَ اے مات ءُ زھگانی جون دست کپت انت –

جارکش ءَ گوشتگ کہ ٹی ٹی پی اے وئیل ءَ ترندی ءَ گوں ایرجنت ءُ گم ءُ رنجانی اے ساھت ءَ ماں ایردستانی گوم ءَ انت – آئی ءَ گوشتگ کہ ما مدامی ھمے گوشگ انت کہ پاکستان ءِ تہ ءَ کانود ءِ نام ءُ نشان نیست ادا ھما کہ گیش بیت دراہ ھمائی چیردست بنت اگاں کُشگ بنت –

جارکش ءَ گوشتگ کہ ما پاکستان مردماں ھاسکر بلوچستان ءِ جھمننداں ھمے کلوہ ءَ دئیں کہ پہ زھرشانی، روانک ءُ جونانی سر ءِ گریوگ ءَ ھچ نہ بیت در بیا ات ءُ ریاستی ناشرکارانی دیم پہ دیم بہ ات دیمھونی بدئیت گڈا شمے پدریچ آباد بنت ءُ زلماں چہ رک انت اگاں ناں ھمے وڈ مران بہ بئے ءُ زھرشانی کناں بئے ءُ پدا شمے سرڈگار وتی جاہ ءَ شمے ساھانی سر ءَ ھم اے ناشر کبزہ کن انت –