چھبار: بلوچ زھگ ءِ گون ءَ سلکاری ءِ بھتام ءَ پولیس آپیسر ابراھیم کوچکزئی پانزدہ ماہ ءِ سزا

روکپتی بلوچستان ءِ تیابدپی شھر چھبار ءَ شانزدہ ستمبر ءَ بلوچ جنک ماھو بلوچ ءِ گون ءَ سلکاری ءِ بھتام ءَ پولیس ءِ آپیسر ابراھیم کوچکزئی نوکری ءَ چہ کشگ بیتگ ءُ آئی ءِ سر ءَ سزا لڈگ بیتگ اَنت-

روکپتی بلوچستان ءَ یل پوجی آمیدگسے ءَ ابراھیم کوچکزئی ءِ سر ءَآرٹیکل 55، 78، 38 ءِ پانزدہ ماہ ءَ زندانی ءُ آ نوکری ءَ چہ یک گور کنگ بیتگ-

ابراھیم کوچکزئی ءَ شانزدہ ستمبر دوھزار ءُ بییست ءُ دو ءَ چھبار ءَ پانزدہ سالی ئیں ماھو بلوچ کہ یک کوشے ءِ بھتام ءَ پٹ ءُ پول ءَ لوٹ اتگ ات –

آ پٹ ءُ پول ءَ برگ بیتگ ءُ اود ءَ آئی ءِ گون ءَ چھبار پولیس ءِ آپیسر ابراھیم کوچکزئی ءَ آئی ءِ گون ءَ سلکاری کتگ ءُ پد ءَ آئی ءِ کھول بیم داتگ کہ اے گپ ءَ در مہ کن ات-

چرے وئیل ءَ پد چھبار ءَ زھرشانی بندات بیتگ ات ءُ اے زھرشانی روکپتی بلوچستان ءِ جتا جتائین ھند ءُ دمگاں شنگ ءُ تالان بیتگ اَنت-

اے وئیل ءِ سر ءَ روکپتی بلوچستان ءِ عالم دینان ھوار ھوار لس مھلوک ءَ پولیس آپیسر ءَ را یکشل ءَ سزا دیگ ءِ لوٹ کتگ ات کہ ایشانی توک ءَ مکی مسیت ءِ مولانا عبدالحمید اسماعیل زئی، عبدلغفار نقشبندی ءَ ھوار ھوار دگہ سنی عالماں انساپ ءِ لوٹ کتگ ات-