بلوچ ءِ زندمان
نبشتہ کار: یونس بلوچ
دی بلوچستان پوسٹ
بلوچ یک آزاتیں راجے زانگ بیت ءُ بلوچ پہ وتی ھک ءِ واست ءَ ھرچ وڑیں سکی ءُ سُورے ھم برداشت کتگ دوازدھی کرن ءَ داں پھزدمی کرن ءَ بلوچ وتی سرڈگار ءُ مُلک ءِ وتواجہ بوتگ انت اے دور ءَ دو زورآوریں ملکاں بلوچ ءِ سر ءَ سک زوراکی کتگ۔ یکے روس ءُ دومی برتانیہ اے دوئیں ملکاں ھرچ وھد ءَ بلوچ وتی لگاتانی چیر ءَ کتگ ءُ ازاب کنگ بوتگ انت پد ءَ بلوچ یکمُشت ءُ یکجاہ بوتگ انت 1666 1749 بلوچ ءَ یک ریاستے جوڑ کتگ، اے ریاست ءِ کلات ءِ نام ءَ زانگ بوتگ ءُ ریاست ءِ سروک میر میروانی بوتگ ءُ بلوچاں چہ سامراج ءِ دست ءَ رکین ایت ءُ وتواجھی دنت ءُ یک آزیدیں ملکے واھند کنت وھدے بلوچ ءَ برٹش ءِ ھلاپ ءَ وتی سنگر ءَ نشتگ انت ، بلوچ چہ کرناں وتی ھستانک ءِ رکگ ءَ برے یک سامراجے ءَ گوں جنگ ءَ انت بلوچ ءَ تنّی وھد سر جھلی پہ وت ءَ شات نہ بوتگم بلوچ مروچی اگاں مرگ ءَ انت بلے سر ءَ جھل کنگ ءَ نہ انت۔
بلے بژن ءِ گپ ایش انت کہ پاکستان ءِ زورآوریں لشکر ءَ بلوچ راج ءِ لوگ ماندشتگ انت ءُ بلوچ ءِ نسل کشی کنگ ءَ انت، بلوچ ءِ ھرچ نودربر ءَ برگ ءُ زندانی کنگ ءَ انت۔ ما ھر روچ گندگ ءَ ایں کہ مئے مات ءُ گْوھار پہ وتی گار ءُ بیگواہیں برات ءُ پتانی آجو کنگ ءَ دگانی سر ءَ زھرشانی کنگ ءَ انت۔
پاکستان ءِ زورآوریں لشکر ھروچ مئے مات ءُ گوھاراں بے شرپ کنگ ءَ انت، اے ھلاتانی توک ءَ ما بلوچ ھاموش بِہ بَہ ایں گُڑا مارا راجدپتر ءُ گْوست پھل نہ کنت۔
اگاں ما دگنیا ءِ ھرچ زوراوریں ملکاں بچار ایں اے دگنیا ءِ کانود انت کہ ھرچ کوم ءَ وتی گُلام کن انت گُڑا آ کوم ءَ وانگ ءِ پڈّا دیم ءَ روگ ءَ مکن بہ کن انت۔ آ کوم ءِ لبزانک ءَ بہ سوچ، راجدپتر ءَ گار ءُ بیگواہ بکنت کہ آ وت ءَ پجا میار ایت ءُ گُلامی کبول بہ کنت۔ اے وھد ءُ دَور ءَ پاکستان ھمے وڑ ءُ پیم کنگ ءَ انت۔ ھرروچ بلوچ نودربراں برگ ءَ انت ءُ وتی آزارجاھاں بند کنگ ءَ انت۔ آیاں چہ وانگ ءُ زانگ ءَ دور دارگ ءَ انت کہ بلوچ ءِ دل ءَ اے ترس ودی بِہ بیت ءُ آزاتی ءِ گپ ءَ مہ کنت بلے اے پاکستان ءِ بے ھیالی انت آ اے نہ زانت کہ بلوچ ءَ ھچبر گُلامی کبول نہ کتگ ءُ وتواجہ بوتگ ءُ انگت وتواجھی ءِ جھد ءَ انت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔