بلوچستان ھکومت ءَ ٹیکسٹ بک بورڈ ءَ مپت وانگی کتاب ءِ چھاپگ ءِ ھاتر ءَ 56 کروڑ کلدار ایر گپتگ پبلشرز نیمگ ءَ چہ کتاب ءِ چھاپگ ءِ سرجم بوگ ءَ پد مارچ ءَ بنداتی ءَ وانگی کتاب وانگجاھاں پُجارینگ ءِ گمان اِنت-
چیئرمین بلوچستان ٹیکسٹ بک بورڈ یکحیی مینگل ءَ گْوشتگ کہ بلوچستان ءِ نوکیں وانگی سال ھاتر ءَ مپت وانگی کتاب جوڑ کنگ ءِ ھاتر ءَ مھکمہ مالی ءَ 56 کروڑ کلدر پوڑی ٰایر گپتگ ءُ زرانی دیگ ءَ پد لاھور پبلشرز ءَ وانگی کتاب ءِ جوڑ کنگ بندات کتگ، اُمیت اِنت کہ مارچ ءِ بندات ءَ 86 لکّ ءِ وانگی کتاب جوڑ بیت ءُ کاینت کہ دْراھیں دمگاں پُجّارینگ بنت-
چیئرمین بلوچستان ٹیکسٹ بک بورڈ ءَ گْوشتگ کہ مپت وانگی کتاب فروری ءِ بیست ءَ تاں سرجمیں دمگاں پُجّارینگی بیتگ بلے اے رند ءَ پنڈ ءِ نہ رسگ ءِ سبب ءَ پبلشرز ءَ وانگی کتاب ءِ جوڑ کنگ مھتل داشتگ-