زاھدان: دو ھپتگاں بندیگی ءَ پد زمانت ءِ سر ءَ یک ورنایے یل کنگ بیتگ

روکپتی بلوچستان ءِ بنجاھی شھر زاھدان “دزاپ ” دو ھپتگاں پیش دزگیر بیتگیں ورنا مروچی ما زاھدان ءَ زمانت ءِ سر ءَ یل کنگ بیتگ-

یل بیتگیں مردم ءِ پجار سِی ءُ چار سالی ئیں یوسف گورگیج ء امان اللہ جھمنند زاھدان ءِ نام ءَ زانگ بیتگ-

یوسف گوستگیں بیست ءُ ھشت جنوری ءَ ماں زاھدان ءَ آدینگ ءِ روچ ءَ نماز ءَ پد وتی برات ءِ ھمراھی ءَ آیگ ءَ بیتگ سپاہ ءَ پہ جست ءُ پرس ءِ ھاتر ءَ دزگیر کتگ ءُ پد دو ھپتگانی دارگ ءَ پد آ مروچی زمانت ءِ سر ءَ یل کنگ بیتگ-

ھالانی تہ ءَ گوشگ بیتگ کہ یوسف ءُ آئی ءِ برات ھردوک چیرین ادارھاں بے کساس لٹ ءُ کُٹ کنگ ءَ پد یوسف گپتگ ءُ برتگ-

یوسف زاھدان ءِ کوھنین گاراژ ءِ ھند ءَ نندوک اِنت ءُ آئی ءَ دل ءُ بلڈپیشر ءِ نادراھی ھم گون اِنت ءُ یوسف باپاری تکاں بندوکیں مردمانی تہ ءَ ھواریں مردمے –