بلوچستان ءِ تیاب دپی شھر ھب ءِ دمگ ساکران بند مراد ھائی وانگجاہ ءِ ھشتمی تبک ءِ نودبرے ءِ لاش دزکپتگ-
لاش منگھو پیر تھانہ کراچی ءِ ھاک ءَ دزکپتگ- پولیس ءَ لھتے شکی ئیں مردم دزگیر کتگ، اے درگت ءَ گْوشگ بوگ ءَ اِنت کہ ھب ءِ دمگ ساکران ءِ بند مراد ھائی وانگجاہ ءِ ھشتمی تبک ءِ نودربر فیروز ء مھراللہ میروانی یک ھپتگے ءَ ساری بیگاہ ءِ وھد ءَ لوگ چہ درتکگ ءُ پد بیگواہ بیتگ-
ساکران پولیس رِد ءَ نودربر ھب کور ءِ دومی سر ءَ ھمدرد شھدربرجاہ ءِ نزیک ءَ میتگے کہ منگھو پیر کراچی ءِ ھاک ءَ بیگواہ بیتگ ءُ دوشمبے ءِ روچ ءَ ھمے دمگ ءَ یک کورے ءِ نزیک ءَ لاش دزکپتگ-
پولیس رِد ءَ کُشگ بیتگیں نودبر ءِ جان ءَ تیرانی نشان ھست پولیس رِد ءَ منگھوپیر پولیس اے درگت ءَ لھتے شکی ئیں مردم دزگیر کتگ ءُ آیاں جُست پُرس کنگ ءَ اِنت-