بلوچستان ءِ دمگ کیچ ءِ بنجاھی شھر تربت ءَ تربت لائبریری “کتابجاہ ” ءِ پج کنگ ءِ لوٹ ءَ کنگ ءَ اَنت-
تربت لائبریری ءِ بندش ءِ درگت ءَ چاگردی ترامجاھاں مھلوک ءُ چاگردی تکاں یکشل ءَ لائبریری ءِ پچ کنگ ءِ لوٹ ءَ کنگ ءَ اَنت-
چاگردی ترامجاھاں کیچ ءِ پھناتاں بندوکیں کارمرد کنوکانی گوشگ اِنت کہ تربت لائبریری کیچ ءِ مردمانی واستا یک رژنائیں چراگے بیتگ بلے بدبھتی ءَ اے چراگ ھم کُشگ بوگ ءَ اِنت –
اے لائبریری ءَ ھزارانی نودربر مپت ءَ وانگی چیزاں ونت کن اَنت ءُ وتی رژنائیں باندات ءِ ھاتر ءَ جیڑ ات کن اَنت-
اے لائبریری سال دوھزار ءُ بیست ءَ بند کنگ بیتگ کہ روچ ء مروچی ءَ اے لائبریری بندشی ءِ دیمپان اِنت-
کیچ ءِ مردماں دمگداراں چہ لوٹ کتگ تربت پبلک لائبریری ءَ دوبر پچ بہ کنت دانکہ نودربر دوبر وتی چکاسانی چن ءُ لانچ ءَ کُت بہ کن اَنت-