سراوان: ایرانی لشکر ءَ تیل کشیں گاڑیانی سر ءَ تیرگواری کتگ، چریشی ءَ گاڑیاں آس کپتگ

سر بیتگیں اھوالانی رد ءَ روکپتی ءُ رودراتکی بلوچستان ءِ سیمسری دمگ سراوان ءَ ایرانی لشکر ءَ تیل کشین گاڑیانی سر ءَ تیرگواری کتگ ءُ چریشی ءَ کساس پنچ گاڑی ستکگ اَنت –

وئیل سراوان ءِ ھند کلگان ءَ پیش اتکگ کہ اود ءَ ایرانی سپاہ ءَ تیل کشین گاڑیانی سر ءَ تیرگواری کرتگ ءُ چریشی ءَ کساس پنچ گاڑیاں آس کپتگ-

چاگردی رسانکجاھاں شنگ بیتگیں تامر بندانی تہ ءَ گندگ بیت اِنت کہ اود ءَ گاڑی بُن اَنت ءُ بازیں کساسے ءَ اس چست اِنت –

وئیل ءَ تنی وھدی دگہ جانی تاوانانی اھوال سر نہ بیتگ اَنت بلے تامر بنداں کساس کنگ بیت اِنت کہ اود ءَ مالی تاوانانی دیمپانی اِنت-

روکپتی بلوچستان ءَ ایرانی لشکر گیشتر تیل کشیں گاڑیانی سر ءَ یکشل ءَ تیرگواری کنگ اِنت گوست ءَ ھم چوشیں وئیل رپورٹ بیتگ اَنت اود ءَ گاڑی چپ ءُ مردماں جانی تاوانانی دیمپانی کنگ ھم کپتگ-