روکپتی بلوچستان ءَ دگہ دو بلوچ ورنا آوار جنی ءَ پد بیگواہ

سربوتگیں ھالانی رِد ءَروکپتی بلوچستان ءِ شھر زاھدان ءَ دگہ دو بلوچ ورنا دزگیری ءَ پد بیگواہ کنگ بوتگ انت –

گیشیں ھالانی رِد ءَ ھمے سال ءِ دو فروری ءَ ایرانی پوج ءَ چہ نصرت آباد پانگس ءَ دو بلوچ ورنا آوار جتگ ءُ بیگواہ کتگ انت –

اشانی تہ ءَ یکے ءِ پجار بیست چار سالی رستم مینگل ء محمد علی جھمنند زاھدان ءِ نام ءَ چہ بوتگ –

اھوالکار ءِ رِد ءَ رستم ءُ آئی ءِ سنگت چہ زاھدان ءَ بام ءِ نیمگ ءَ رؤگ ءَ بوتگ انت کہ نصرت آباد پانگس ءِ سر ءَ پوج ءَ آوار جتگ ءُ بیگواہ کتگ انت –

زانگ بہ بیت ھمے سال ءِ جنوری ءِ گڈی ھپتگ ءَ چار ورنا آوار جنگ ءُ بیگواہ کنگ بوتگ انت کہ آھانی پجار ھبدہ سالی علی ریگی ء محمد، عادل سنجرانی، ھژدہ سالی رامین سالارزھی ءُ افشین ریگی نوتیزی ناماں چہ بوتگ انت –