سر بیتگیں اھوالانی رد ءَ روکپتی بلوچستان ءِ دمگ دلگان ءَ ناشناسین سلاہ بندیں مردماں تیرگواری کنان ءَ دو کس کشتگ اَنت ءُ چار زدگ کتگ اَنت-
بیران بیتگیں مردمانی پجار سجاد رئوفی ءُ عبدالرضا بامری ءِ نامان زانگ بیتگ اَنت ءُ زدگ بیتگیں مردمانی پجار نہ بیتگ اَنت-
وئیل گوستگیں شپ ءَ یک گیم ءِ دکانے ءَ پیش اتکگ اود ءَ سلاہ بندیں مردمانی تیرگواری ءَ دکان ءِ واھند ھوار دو مردم بیران ءُ دگہ چار کس زدگ بیتگ اَنت-
تیرگواری ءَ پد تیرگواری کنوک تچگ ءُ روگ ءَ سوبمند بیتگ اَنت ءُ وئیل ءِ گیشین سبب زانگ نہ بیتگ اَنت-