سال 2021 ءَ 50 لَک زھگ مرگ ءِ دیمپان بیتگ اَنت اے سک ءَ پدردی گپے – میان اُستمان

میان اُستمان ءَ گوشتگ کہ جانسلامتی ءِ آسراتی ءِ نہ بوگ ءِ سبب ءَ سال دو ھزار ءُ بیست ءُ یک ءَ پنجاہ لک زھگ مرگ ءِ دیمپان بیتگ اَنت کہ سگگی گپے نہ اِنت کہ انسانی زند ءِ رکینگ اگاں بہ لوٹ ات اِنت بوت کتگ ات-

ھال سر کنوکیں ادارہ اے ایف پی ءِ رد ءَ میان اُستمان ءِ (انجنسی برائے اطفال یونیسف) ءِ اسپیشلسٹ ودیا گنیش ءَ گوشتگ کہ ھمک روچ مات ءُ پت وتی زھگانی بیرانی ءِ دردانی دیمپان اَنت ایشانی توک ءَ ھنچیں زھگ ھم ھوار اَنت ودی بوگ ءِ وھد ءَ پیسر ھم بیران بنت-

آئی ءِ گوشگ اَت اے وڑیں نا سگوکیں درد ءُ تاوان ھچ رنگ ءَ سگگ نہ بنت پرچا کہ ایش رگاں رکینگ بہ لوٹ ات اَنت بنت مھکمیں سیاسی ءُ زردار زھگ ءُ ماتانی بنکی آسراتیاں سرجم کت کن اَنت-

بیران بیتگیں پنجاہ لک زھگانی توک ءَ بیست ءُ سَے لک ھنچین اَنت کہ ودی بوگ ءَ پیسر ودی بوگ ءِ چست ءُ ایراں پیسری ماہ ءَ مرگ ءِ دیمپان بیتگ اَنت –

یونیسف ءِ رد ءَ ودی بوگ ءَ یک ماھے پیسر نمونیا، ڈائریا ءُ ملیریا ءِ وڑیں انفیکشن ءِ وڑیں نادراھی ءِ مزنیں ترس اِنت ءُ ھمے دیم ءَ کیت اِنت-

رپورٹ ءِ رد ءَ گیش ءَ چہ گیش مرگ ءِ دارگ شریں جانسلامتی، ویکسینیشن، ورگ ءُ آپ ءُ دگہ چیزانی گھتری ءِ سبب ءَ مرگ ءِ دیمپانی ءَ بچ ات کن ات –

یونیسف ءِ رد ءَ کورونا وبا ءِ سبب ءَ ایکسینیشن مھم ءِ سبب ءَ زھگانء ایمونائزشین ءِ تکاں سال دوھزار ءُ بیست ءِ کچ ءَ سال دوھزار ءُ بیست ءُ یک ءِ توک ءَ بیست لک ءِ کمی اتکگ ھمے وڑ سال دوھزار ءُ نوزدہ ءِ کچ ءَ اے شست لک کمی اتکگ بیتگ ھمے وڑ ءَ آیوکیں وھداں زھگانء مرگ ءِ ترس گیش بیتگ-

بلے رپورٹ ءَ گوشگ بیتگ کہ لھتے ھنچیِں چیز ھست اَنت دنیا ءَ سال دوھزار ءَ پف پنچ سالی زھگانی کم اُمر ءِ مرگ ءِ کچ پنجاہ درسد بیتگ ءُ ھمے وڑ مزنیں زھگ ءُ ورنایانی کچ سی ءُ شش درسد بیتگ-

رپورٹ ءَ دنیا ءِ جتا جتائیں پھناتانی پجار کرتگ اَنت براعظم افریقہ ءَ درستاں گیش ودی بوھوکیں زھگانی مرگ ءِ کساس گیشتر اَنت ورلڈ بینگ گلوبل ءِ ڈئریکٹر جانسلامتی ءِ، ورگ ءُ ورندی ءُ آبادء ژاں پابلو یورب ءَ گوشتگ کہ اے کچ ءُ کساساں ابید لگتے ھنچیں زھگ ءُ کھول ھست اَنت آیاں بنکی آسراتی نیست اَنت –