بلوچستان ءَ میونسپل ورکرزانی پکارانی نہ دیگ ءِ سر ءَ زھرشانی

آل بلوچستان میونسپل ورکرز ایسوسی ایشن بلوچستان ءَ شال ءَ ھستیں ملازمانی پکارانی نہ دیگ ءُ دگہ لوٹانی ھک ءَ میٹرو پولیٹن کارپوریشن ءِ کش ءُ گوراں گیٹ ءِ دیم ءَ زھرشانی کنان ءَ نندانک جتگ –

ملازمینانی گوشگ اِنت مئے لوٹاں منگ ءَ نہ اَنت گوستگیں سَے ماھانی توک ءَ کنٹریکٹ ملازمین وتی پکاراں چہ زبھر اَنت یک ماھے ءُ ھپت روچ اِنت زھرشانی کنگ ءَ ایں-

ملازمینانی گوشگ اَت ما گوستگیں چار سالان چہ میٹروپولیٹن کارپوریشن ءِ انتزامیہ ءِ نیمگ ءَ چہ ملازمین گریجویٹی ءِ ارگ ءِ ھلاپ ءَ زھرشانی برجاہ داشتگ بلے بُتیں سرکار ءُ انتزامیہ ملازمینانی پکاراں چہ پینشن فنڈ کٹوتی ءَ کنگ ءَ اَنت آ وتی دستاں مھنت ءِ زرانی ھاتر ءَ زھرشانی کنگ ءَ اَنت-

آیاں گوشتگ ما وتی ملازمانی جائزیں لوٹاں چہ ھچبر دست کش نہ بہ ایں سرکار ءُ انتزامیہ ءُ ملازمانی مالی جیڑہ ءِ زھرشانی ڈالچار کرتگ ءُ جیڑہ ءَ ھلاس کنگ ءَ نہ اِنت-

آیاں گوشتگ کہ چریشی ءَ باز پدردیگ اِنت ملازمانی سَے ماھاں پکار ءُ چرایاں چہ گریجویٹی سرجم کنگ ءُ مھکمہ ءِ گھتری ءِ واستا گامگیج بہ زور ایت-

زھرشانی کنوکاں وتی لوٹانی واستا اوگام جتگ ءَ پد ءَ بازیں اداراں پد پُر امنیں رنگے ءَ یک یک بیتگ اَنت-